MADILIM na nang magpasya sila Maureen na umuwi. Kanina pa nagyaya si Jake na bumiyahe na pabalik ng bahay ngunit dahil sa hiling ng bunso na manatili sa amusement park nang mas matagal, heto nga at gabi na silang nasa byahe.
Tahimik ang kaniyang anak na nakaupo sa parehong pwesto kanina. Nakasandal pa rin ito at nakakibit-balikat ngunit nakapikit na rin ang mga mata nito marahil dahil sa pagod.
Si Tyron naman na siyang pinakamalikot kanina ay nakaunan na ngayon sa kaniyang hita at tulog na tulog. Hinahaplos niya naman ang buhok nito upang mahimbing ito lalo kahit na nasa biyahe pa sila.
Hindi man lang niya nakitang ngumiti o tumawa ang kaniyang anak kanina habang nasa amusement park sila. Marahil ay hindi talaga ito mahilig doon. Kung sabagay, mula pa man noong pinagmamasdan niya ito sa
