NGAYON ay linggo. Unang araw na makakasama ni Maureen ang anak upang maka-bonding. Isa ito sa mga espesyal na araw para sa kaniya at isa na rin sa pinagdarasal niya at pinakahinihintay.
Sa mga nakaraang araw ay naroon siya sa bahay ni Simon de Guzman bawat umaga upang maipaghanda ang kaniyang anak ng agahan. Sa ilang beses niyang pagpunta roon, napansin niya tila hindi nag-aaral ang mga anak ni Simon de Guzman, kahit isang beses ay hindi niya ito nakitang nagsuot ng uniform.
Gayunpaman, pinili niyang wag na lang muna magtanong sa takot na baka makainsulto kay Simon de Guzman. Ngunit gusto niya na talagang magtanong kung nag-aaral ba ang mga bata, para kasing normal lang ang araw ng mga ito, akala mo ay walang hinahabol na oras sa umaga, at nadadatnan naman niya itong naglalaro lang sa ha
