"Bakit ka umiiyak?" tanong sa akin ni Genro habang nakaupo ako sa kama at pinagmamasdan ang ilang litrato sa photo album. Pinunasan ko ang luha ko at tumitig sa kanya. Wala ba siyang alam kung bakit at may gana pa siyang magtanong sa akin?
"S-sobrang gulo na. Hindi ko na maintindihan ang nangyayari at kung bakit ka nagkakaganyan?" sabi ko sa kanya at tumingin sa kanyang mata na nangungusap. Sana ay makakuha ako sa kanya ng matinong sagot o kung may inililihim siya sa akin, sabihin niya na ito.
"Saan ka ba naguguluhan?" mahina niyang tanong sa akin at umupo sa harap ko habang pisil ang kamay ko.
"Kung may nililihim ka, sabihin mo na sa akin. Pakiramdam ko ay may tinatago ka," seryoso kong sabi sa kanya at napansin kong iniiwas niya sa akin ang kanyang mga mata.
"Wala akong tinatago s
