"Ayoko sanang tanungin kung ano ang pumasok sa isip mo at bakit nagkaroon ka ng gano'n ideya dahil sa kalagayan mo, pero bakit nga ba?" tanong ni Genro sa akin habang magkatabi na kami sa kama.
Hindi muna pinapasok ni Genro sa kwarto si Eva dahil gusto niyang magkausap muna kami. Nakatingin lang ako sa kisame nang mga oras na iyon.
"Matagal akong nawala, hindi ko alam kung natiis mong mag-isa. Tapos makikita ko, masyadong malapit ang loob mo sa kanya," naaasiwa kong sinabi dahil para akong nagseselos sa mababaw na dahilan.
"Wala ka naman dapat ipagselos kay Eva. Ikaw lang ang babaeng gusto ko," sagot niya sa akin at hinawakan ang kamay ko. Tinitigan ko ang kanyang mata na nangungusap. Naging dahilan iyon para makaramdam ako ng hiya dahil sa naging reaksyon ko.
"Matutulog na ako," s
