"Susunduin mo na lang ako dito? Alam mo naman na ang cellphone number ko," sabi ko kay Jane at binaba niya ako sa isang kilalang simbahan sa Maynila.
"Sigurado ka ba?" tanong niya sa akin at tumango ako. Nagsimula na akong maglakad - lakad kahit hindi ko alam kung saan ako patungo. Napakaraming tao sa lugar na iyon at mga tindera ng kandilang may iba't - ibang kulay.
Pumasok ako sandali sa loob ng simbahan para humingi ng tulong at maging matagumpay ang unang beses kong paghahanap ng katotohanan. Sana ay dalhin ako ng Diyos sa mga tamang tao na makakatulong sa akin.
Balak pa ako ihatid ni Jane malapit sa Mendiola kung saan nakita ni Jane ang lugar ng pinapasukan ni Denise, pero malayo na iyon sa pupuntahan niya kaya naisip kong magsarili na lang papunta doon. Tanghali na kami nakapun
