"Bakit naisipan mong pumunta dito sa beach?" takang tanong ni Dan habang nagpa-park sa isang gilid.
"May hahanapin kasi ko." Ngiti ko. "Nakakahiya sumama ka pa."
"Ayaw mo no'n? Naka-free ride ka na, may kasama ka pang gwapo." Kinindatan niya ko na mahinhin kong tinawanan.
"Ililibre na lang kita mamaya. Mukhang gutom ka na. 'Wag ka ng magpa-cute." Bukas ko ng pinto.
"Sasamahan na kita."
"Hindi na. Basta babalik din ako agad." Pagpigil ko sa kanya bago bumaba.
Tumakbo agad ako palapit sa hangganan ng beach. Siguro naman dito maririnig niya na ko. Hindi ko na kasi mahanap ang lokong Leonardo na 'yon. Hindi pa rin ako naniniwalang ama ko siya pero kasi . . . nagkabuntot ako at hindi ko kayang ipaliwanag 'yon.
"Leonardo!!!!" sigaw ko, umaasang maririnig niya ko. "Leonardo!!!! Magpakita k
