Kunsumido ako ngayong nakatitig kay Sebastian na nakadukdok sa lamesa at kay Natalie na nakahiga sa isang couch. Para silang mga timang! Kung alam ko lang na ako ang mamomoblema nang ganito ngayon, edi sana hindi na ko sumama.
"Noah." Napatayo ako.
"Hi," bati niya medyo parang hindi ayos ang timplada niya kaya naman hindi na ko gaanong lumapit.
"Ayan si Natalie. Ikaw ng bahala sa kanya."
Dumaan si Noah sa harapan ko. Amoy alak din siya kaya bigla akong nag-alangan.
Napakamot ako ng ulo ko habang pinagmamasdan siyang pilit na binubuhat si Natalie.
"Ahm, Noah, may sasakyan ka bang dala?"
Sinulyapan niya lang ako at hindi man lang kumibo.
"Gusto mo bang ihatid ko na kayong dalawa?"
"Kaya ko. 'Wag mong ipamukha sa akin 'yung yaman ng boyfriend mo," masungit niyang sagot.
"Wow, ha?
