"Sinabi ko na sa 'yong tubig dagat 'yon pero hindi ka nakinig. Tumalon ka pa rin at ginawa ang gusto mo."
Kanina pa siya galit dahil sa pagtalon ko. Gusto ko lang sanang inisin siya pero hindi ko naman kasi inakala na ganito kalayo ang bahay niya mula doon. Naka-anim yata kaming hinto bago namin marating 'to.
"Gusto ko lang makipag-usap," dugtong niya habang padabog na kumukuha ng tuwalya.
"Quits lang."
"Anong quits lang?" Hinarap niya ko. "Paano kung may makakita sa'yo dito?!" sigaw niya, may hawak na ngayong tuwalya.
"Sino ba kasing nagdala sa akin dito?" mataray kong balik sa kanya.
Nagtimpi siya. Inis niyang hinilamos ang kanyang mukha habang nakapamewang ang isang kamay. Maya-maya pa ay lumapit na siya at naupo sa gilid ng kama.
Hindi pa rin nagiging paa ang buntot ko kaya na
