Kabado akong naupo sa loob ng restaurant habang hinihintay si Dan. Kilala ko siya. Hindi niya ko sasaktan, 'di ba? Sure akong hindi niya 'yon gagawin sa akin.
"Sorry kung natagalan ako."
Napatayo ako.
"Hi," taranta kong bati.
"Sige lang, umupo ka lang." Ngumiti siya at minostrahan akong bumalik sa pagkakaupo. "So, kumusta ka? Umorder ka na ba?"
"H-hindi pa." Pilit kong inayos ang pagsasalita ko. "Hinihintay kita kaya hindi pa ko umorder ng pagkain."
"Waiter," tawag niya kasabay ng pagtaas ng kamay.
Hindi na ko mapakali. Siya ba 'yon? Alam niya na ba?
"Anong gusto mo?" nakangiti niyang tanong noong may lumapit na sa aming isang waiter.
"Kahit ano lang ang sa akin. Ikaw na ang mamili."
"Bakit parang kinakabahan ka?" Ngumisi siya at muling bumaling sa menu.
Naghintay ako na matapo
