"Wala pa rin ba si Sebastian? Hindi na ko mapakali. Anong oras na, oh." Tumingin ako sa orasan bago pumikit nang madiin para huminahon.
"Ate Ariel, baka bukas na siya uuwi. Malayo rin 'to."
"Baby, kanina ka pa ikot nang ikot diyan. Kahit anong gawin mo, hindi mo mapapadali ang pagdating niya."
"Pero kasi.." reklamo ko sana kaso inilingan ako ni Leonardo, ibig sabihin ay 'wag ko ng ituloy kung ano man ang gusto kong sabihin.
Kanina ko pa sila dinidiwaraan tungkol kay Sebastian. Paano kasi, akala ko may hinahanda lang siyang sorpresa para sa akin. Alam niyo na, mga pasimpleng pa-surprise niya para pakiligin ako. Gano'n siya, eh. Kaya akala ko tama ang iniisip ko. Kaso habang papadikit nang papadikit ang kamay ng orasan sa alas-dose ay hindi ako mapanatag.
Hindi ko alam kung bakit ko
