"Hanon, si Sebastian? Nakita mo?" tanong ko, kagabi ko pa hinahanap si Sebastian pero hindi ko siya makita kahit saan. Nahalubhob ko na nga yata ang buong lugar pero wala talaga siya.
"Si Sebastian?" Hinarap ako ni Hanon, na ngayon ay nag-iihaw ng mais. "Parang nakita ko siya kanina sa bandang 'yon." Turo niya gamit ang nguso.
Napakamot na ko ng ulo. "Katitingin ko lang doon wala siya. Nasaan na 'yon?" Sumimangot ako at umupo sa tabi niya.
"Umalis siya kaninang madaling araw. May emergency daw," biglang kibo ni Tati.
"Emergency?"
Tumango siya sa akin at kumuha ng isang mais sa ihawan.
"Eh, sila Leonardo ba, nakita niyo?" alangan kong tanong ulit.
Hindi kumibo si Tati, patuloy lang siya sa pag-ihip ng mais habang si Hanon naman ay umiiling sa akin.
"Mula kagabi, hindi pa namin uli
