Sa kabila nang bilin ni Attorney Axel na huwag munang dumalo si Vlad sa mga meeting nito at appointment na kailangan ng public appearance ay biglang natagpuan ko ang sariling kasama ng huli papunta sa isang TV station.
Hindi lang iyong muscles niya ang matigas, pati ulo niya!
"Vlad, sigurado ka ba sa gagawin mong ito?" kabado kong tanong sa kanya.
Ilang ulit na akong nagtatanong at hindi na ako magtataka kung bigla siyang mayayamot sa kakulitan ko.
"It's just a TV guesting, Lushia, relax," tila ay naaaliw niyang sagot sa'kin.
Mukha ngang relax na relax siya habang ako naman itong hindi mapakali sa kabang nararamdaman.
"Hindi ba pwedeng ipagpaliban muna ito?" muli kong pangungulit. "Kailangan siguro nating ipaalam kay Attorney Axel na nandito tayo."
"Come on, Axel has nothing to d
