Parang isang magandang panaginip ang nangyari sa'kin kagabi at nang magising ako kinabukasan ay napagtanto kong hindi lang iyon basta panaginip.
Sumalubong sa paningin ko ang mukha ng gwapong lalaking laman ng panaginip na iyon upang ipaalalang totoo ang lahat.
"Good morning," malambing niyang bati sa'kin. "Breakfast in bed."
Agad dumako ang tingin ko sa nakaayos na tray ng pagkain na nakalapag sa gilid ng kama.
Nang muli kong ilibot ang paningin sa paligid ay napagtanto kong hindi lang pala basta salamin iyong dingding ng silid na kinaroroonan namin kundi ay may sliding wall panel na pwedeng isara para matakpan ang pagpasok ng liwanag mula sa labas. Nakasara ito ngayon kaya hindi ko nakikita kung gaano na kataas ang araw. Sigurado kasi ako na natagalan ako sa paggising ngayon.
"Goo
