Chapter Sixteen
"Nakapagpatayo si Veronica ng bahay n'ya. Habang ako na tatlong taon sa abroad ay walang bahay. Lumayas nga raw ako roon. Ang dating pa nga'y nanggugulo lang ako. Walang nagtanong kung okay lang ba ako. Wala man lang yumakap sa akin... si Via lang. Parang si Via lang ang naka-miss sa akin."
"Vee, paulit-ulit kong sinabi sa 'yo noon na magtira ka para sa sarili mo. Hindi ka nakinig. Gustong-gusto rin kitang sisihin. Pero alam kong ginawa mo iyon dahil sa sobrang pagmamahal mo sa pamilya mo. Sadyang abusado lang talaga sila."
"Inaalala pa nga nila ang pag-aaral ni Vella---"
"Nag-aaral ba?" takang tinignan ko ito.
"Bakit? H-indi ba?" sa pagkakaalam ko'y 3rd year college na ito. Accountancy pa nga ang kurso nito. Hindi sumagot si Kateren. Mukhang may kailangan akong alamin
