Chapter Thirty-nine
Napaatras ako nang batuhin ako ni Ate Veronica ng putik. Nabitiwan ko siya. Pero handa pa rin naman ako in case na makabangon ito. Nadumihan ang aking damit, pero hindi naman big deal sa akin iyon. Dumi lang iyon. Handa pa rin akong makipagbugbugan kay Ate Veronica na galit na galit. Kuyom na kuyom din ang kamao nito. May luhang nangingilid sa kanyang mga mata.
"Alam ko! Alam kong nagkakaganyan ka dahil nasa akin si Jay-r, Vee. Hindi dahil sa kurot o pananakit ko kay Via. Galit ka sa akin dahil kay Jay-r. Dahil nasa akin si Jay-r." Hiyaw nito. Hindi nagtangkang manugod ang panganay kong ate. Nakatayo lang ito sa gitna ng putikan. Marusing. Galit.
"Putangina! Anong pakialam ko sa asawa mo?"
"Hindi ba't mahal na mahal mo siya? Pero dahil ako ang pinili n'ya ay gali
