Chapter Forty
"Vee!" sa kasagsagan ng mainit na sagutan ay narinig ko ang sigaw ng aking ina. Pareho kaming napatingin ni Ate Veronica kay nanay na napatakbo pa para lang makalapit sa amin... kay Ate Veronica pala. "Diyos ko! Ayos ka lang ba, anak?" alalang-alala na tanong ni nanay kay Ate Veronica. Ininspeksyon nito ang katawan ng kapatid ko, pati na ang mukha.
"'Nay, si Vee po." Biglang atungal nito ng iyak habang turo-turo ako. "Wala naman po akong ginagawang masama tapos bigla na lang dumating at manakit." Agad namang napatingin si Nanay sa akin.
"Hindi ka ba talaga titig, Vee. Sadya ba talagang kulang ka sa pansin kaya nananakit ka d'yan?" lumapit si nanay sa akin. Galit na galit.
"Sinaktan n'ya si Via, 'nay." Seryosong ani ko. "Huwag po kayong magulat kung magrebelde ako sa ginaw
