Chapter Thirty-eight
"Ate, naoperahan na si tatay. Okay raw ang operasyon. Magpapagaling na lang siya. Wala na pong kailangan gastusin sa ospital. Sana ay tuloy-tuloy na ang recovery n'ya." Iyon ang balitang ipinadala ni Vicky sa akin. Mabuti naman. Naghahanda ako ng almusal namin ni angkol. Tulog pa ito. Magkatabi kaming nakatulog dahil sa kwartong tinutuluyan ko siya gumawa ng trabaho.
Hindi na ako nag-reply. Pakanta-kantang nilinis ko iyong mga nagamit ko.
Tipikal na pang-almusal ang inihanda ko.
Ilang beses na akong naipaghanda ng lalaki ng pagkain. Kaya this time na maaga naman akong nagising ay ako na ang nakialam dito sa kusina.
Hindi pagluluto ang naging trabaho ko kina Madam Neneta. Hindi rin naman kasi ako mahusay. No'n ngang minsang pinaluto n'ya ako'y nasunog lang iyong
