Lumipas ang buong gabi na nakatulog ng mapayapa si Rica. Kay tagal na noong huling nakatulog siya ng ganoong kahimbing. Hindi niya na mabilang kung kailan nga ang huli.
Pero hindi ganoong para kay Nita.
Halos wala siyang tulog dahil binabagabag siya sa nangyari sa amo. Base sa boses kasi nito, may iniinda itong sakit o may masakit. Napapaisip si Nita kung ano ba ito. Sa kakaisip at pag-aalala sa amo, hindi niya nagawang matulog ng maayos.
Kahit gabi na nakatulog, maaga pa ring nagising si Nita. Nag-ayos siya ng sarili bago pumunta sa kusina para ipaghanda ang amo. Nagsalang muna siya ng sinaing bago inakyat ang iniwang pagkain.
Nakita niya ang kaniyang hinanda na hindi man lang ginalaw. Napahinga na lang siya ng malalim at niligpit ito.
Pagbalik sa kusina, naghanda siya ng masarap
