Madilim na nang matapos si Nita sa pagluluto at nagtataka na siya dahil hindi pa rin lumalabas ang kan’yang mga amo sa kanilang silid. Alam niyang maaaring na-miss nila ang isa't isa, pero ang mas pinagtataka niya ay kung kakain ba ang mga ito.
Napakamot naman siya na kaniyang ulo at naupo sa stool sa kusina. Maaga pa naman ang alas syete para sa taga-siyudad kaya hihintayin niya na lang ang mga ito kahit medyo nagugutom na siya.
Malinis na rin ang kusina at nakahanda na ang hapag. Nandoon na ang nakataob na pinggan, baso at kubyertos. Wala na siyang gagawin kung hindi ang maghintay. Hindi pa man sirado, naisip niyang mas mainam nang handa kaysa mangarag pa siya mamaya.
Ilang minuto pa, nakita niya ang among lalaki na papasok na ng kusina. Kaya agaran siyang tumayo para salubungin ito
