ALAS tres na ng hapon nang matapos ang mini-party na hinanda ni Tita Camille. Nagawa nila ni Hyun na sagutin ang mga mala-imbestigador na tanong ng mga elders nang maayos. Nakatulong marahil ang matagal na nilang pagiging magkakilala para masagot ang mga personal na tanong sa kanila.
Nasa sasakyan na siya kasama ang mga magulang nang humupa na ang nararamdaman niyang tensyon.
“Okay ka lang, anak?” tanong sa kanya ng ina nang makitang nakasalampak siya sa upuan. Katabi nito ang Papa Alfonso niya na siyang nagmamaneho ng sasakyan.
“Medyo pagod lang po sa biyahe,” pagsisinungaling niya. Alangan namang sabihin niyang naubos ang lakas niya sa kakasagot ng mga tanong ng mga tao sa party kanina.
“Siya nga pala, anak. Bakit pati ang Kuya Mikael mo ay walang nababanggit sa
