Hindi na ako mapakali pa sa pagmamasid lang sa kanya, bakas na bakas ang paghihirap sa pamamagitan ng paghawak niya sa tiyan niya. Ilang beses akong tumingin kay Tita Belith, sa kanya ay humihingi ako ng tulong at dapat na aking gawin sa ngayon. Wala ako ditong alam.
“Tita Belith--”
“Umayos kayong dalawa!” agad na pagputol niya sa aking sasabihin, “Nakakaistorbo na!”
“Pasensiya ka na po Tita, pero mukha pong may masakit sa katawan niya ngayon.”
“Paanong hindi nga sasakit ang tiyan niya gayong hindi siya kumain ng hapunan!” iritable nitong bulalas na nameywang pa, “Pakainin mo at aayos din ang pakiramdam ng batang iyan.”
“Tita, hindi po iyon ang--”
“Anong gusto mong gawin natin Miura?” muli ay pagputol nito sa akin, marahan kong kinagat ang aking pang-ibabang labi. Gusto ko na si
