Nang sumapit ang unang araw ng taon ay wala kaming naging handa dahil ni palang nito ay umalis na si Tita Belith at Senda. Umuwi sila sa kanilang pinagmulang bayan, sa Macalelon. Nakagawian na ng pamilya nila ni Papa na bumisita sa mga kamag-anak na lumisan na sa mundong ibabaw patungo sa kabilang buhay. Iyon ay ginagawa nila sa unang araw ng taon.
“Hindi man lang tayo iniwanan nina Tita Belith ng pambili kahit na sa isang kilong karne.” bulong ko na sinusuyod ng mata ang ref, nilingon ko si Geron na tahimik na umiinom ng salabat. “Kuya Geron, pumunnta tayo ngayon sa restaurant namin?”
Nilagok niya muna ang pinakahuling patak ng iniinom na salabat bago ito tumugon sa akin.
“Bagong taon ngayon, hindi ba sila sarado?”
Mabilis kong nasapak ang aking noon, agad na nakalimutan ang okasyon
