Sa unang sulyap at tingin ay para kaming mga batang sa putikan ay naglalaro lamang. Naging kulay putik na lang ang suot naming uniform dahil sa paulit-ulit namin ditong pagbagsak habang hinahabol ang tatlong talipandas na walang mabuting ginawa kung hindi ang pagpasa-pasahan ang kwintas ni Geron na kanilang hawak habang malakas na tumatawa.
“Ibalik niyo na iyan!” malakas kong sigaw na ramdam na ang pagod, “Mga mukhang paa!”
Hindi ko na namalayan pa ang buong paligid hanggang sa may sumiko sa aking baba na naging dahilan upang ako ay matumba. Ito rin ang naging mitsa upang umagos ang aking dugo pababa mula sa aking masakit na ilong.
“Aray ko naman!” malakas kong pagdaing.
Nakita ako ng tatlong paa kaya naman marahas nilang naibato ang kwintas sa malawak na putikan. Kasunod ng mabilis
