Ang lahat ay ini-asa nila Tita Belith sa akin. Mula sa paglalaba na dapat ay inuupa nila kagaya ng sabi ni Mama bago ito umalis hanggang sa pagluluto at paglilinis ng buo naming bahay. Madalas ay pinapatanggal rin ako ni Tita Belith ng putik sa aming harapan na aming dinadaanan paglabas ng bahay. Mabuti nalang at palagi akong tinutulungan ni Geron sa lahat ng inaatas nilang aking mga gawain.
Ganundin ang pinapagawa niya sa labas ng aming tahanan. Tuwing maaliwalas ang sikat ng araw ay pinapabunot niya sa akin ang mga ligaw na d**o ng aming bakuran upang maging malinis ito, na kadalasan ay inuupa lang din ni Mama at pinapagawa sa ibang tao. Unti-unti ko iyong tinanggap kahit na labag sa aking loob, ang mahalaga ay kumakain kaming dalawa ni Geron kapag sinusunod ko si Tita.
“Miura, nakita
