Pagkatapos ng ilang minuto pang hakbang ay nakarating na kami sa harapan ng tahanan. Kapwa kami ni Geron natigilan na dalawa nang makitang patay na ang mga ilaw sa kabahayan. Ang tanging bukas ay ang isang poste ng ilaw sa mismong gate na papasok ng aming bakod.
“Bakit nakapatay na ang mga ilaw?” tanong ko kahit na alam ko na rin naman ang sagot dito, “Alam naman nilang nasa labas pa tayo eh.”
Umingit ang tarangkahan nang itulak ko iyon pabukas pero naka-lock na rin iyon sa loob. Kunot-noo at nakabusangot na ako habang tinitingnan ang bahay namin na parang walang natutulog na mga tao sa loob mismo nito.
“Parang nananadya nalang sila.” dagdag ko pa na halata na ang pagka-irita sa aking tinig.
Alam nilang tumakbo ako palabas ng bahay kanina pagkatapos kong makausap si Mama.
“Tita Bel
