Maingat kong binuksan ang pintuan ng silid at agad na sumilip sa pasilyo ng aming bahay. Tahimik na ang paligid. Wala na ang bakas at anino dito ni Tita Belith at Senda, na parang mga galit na toro kanina. Siguro ay napagod na rin sila at ngayon ay natutulog na sa silid nila. Malalim na rin ang gabi at sigurado akong hindi na nila kakayanin ang magpuyat pa, lalo na sa lamig ng panahon at klima ngayong gabi.
Patingkayad akong lumabas at mabagal na naglakad patungo sa aking silid. Kailangan kong magpalit ng aking suot na damit. Hindi pwedeng tuluyan na itong matuyo sa aking buong katawan. Magkakasipon ako at baka mauwi pa iyon sa matinding sakit at lagnat.
Pilit na iniwasan kong makagawa ng kahit na munting ingay sa pasilyo papunta ng kusina. Walang imik akong kumuha ng dalawang tasa at n
