Nathan's POV
PAGDATING sa tapat ng bahay namin ay kaagad na iginarahe ni Ivan ang kotse ko. Nagpasalamat lang ako rito, saka bumaba na. Bahagya pang gumiwang ang pagkakatayo ko dahil tipsy na ako, nakarami rin kasi ako ng nainom kanina habang naglalabas ng saloobin sa mga pinsan ko.
"Kaya mo bang maglakad hanggang sa loob ng bahay n'yo?" Nag-aalalang tanong ni Ivan sa akin.
Maging si Marco ay bumaba rin pala ng sasakyan nito at lumapit sa akin. "Malilintikan ka sa asawa mo, may kasalanan ka na nga tapos uuwi ka pang nakainom," anito.
"Hindi ko nga alam kung paano ko siya kakausapin eh. Ang hirap pa namang suyuin no'n. Baka hindi na naman ako kibuin ng ilang araw," himutok ko, saka umupo sa labas ng pintuan ng bahay namin.
Maging ang mga ito ay nakigaya rin ng upo sa akin.
"Sa uul
