Jhauztine's POV
"JERRY!" Humahangos na bulalas ni Claire nang makabalik. May dala itong medicine kit, iyon siguro ang kinuha nito kaya hinayaan si Jerry sa akin kanina. "Anong nangyari sa 'yo?"
Kaagad nitong dinaluhan si Jerry habang ako ay hindi makalapit dahil hawak ko sa braso ang asawa ko na gusto pa ring upakan si Jerry.
"Let me go, Jhauztine!" Pilit nitong iwinaksi ang brasong hawak ko pero hindi ko siya hinayaang makawala sa akin. "I said, let me go!"
"Nathan, tama na! Wala siyang ginagawang masama--" Nabitin sa ere ang sasabihin ko nang tingnan niya ako ng masama. Napalunok ako dahil sa nararamdamang takot. Hindi ko alam kung paano ko siya papakalmahin dahil ngayon ko lang siya nakitang ganito kagalit.
"Tine, umuwi na muna kayo," ani Mr. Carzon, ang aming direktor. "Kami n
