قلوب حائرة ( مجموعة قصصية )

دموع

البداية كانت من شهرين كنت فى زيارة لاحد الاقارب بالهرم وتحديدا ( فيصل ) واثناء عودتى من هناك كانت الساعه 8 مساءا كل مرة بمسك الدائرى لحد المعادى المرة دى قررت انى اخدها كورنيش وفعلا ركبت عربيتي واتجهت فى طريقي للمعادى عن طريق الكورنيش

واول ماوصلت لكورنيش المعادى وتحديدا عند مدخل المعادى 1 قررت انزل اقف شوايه على الكورنيش لانى كنت مخنوق وزهقان جدااا ودخلت العربيه البنزينه تتغسل ويتغيرلها زيت وسيبتها وعديتالطريق وكان الكورنيش فاضي وبعد ربع ساعه جت واحده قعدت على مقعد اللى معمول مخصوص للجلوس على الكورنيش وكان يبعد بيني وبينها حوالي 200 متر بصيت ليها واستغربت هى قاعدة لواحدها ليه فى التوقيت ده وياترى مستنيه حد ولا زى حالاتى شوايه اسئله جت فى بالى مخدتش 5 دقايق وفاجاه قررت ابص الناحيه التانيه واخلى وشي للنيل

لكن كل شوايه ابص عليها الاقيها قاعدة ماسكن الموبايل وبتلعب فيه ماعرفش اكيد بتعمل ايه

ومرت ربع ساعه لفيت علشان ابص ع العربيه فى البنزينه لاقيته قرب يخلص وبصيت ليها تانى بس المرة دى لاقيتها ماسكه منديل وبتمسح عينيها

قولت بيني وبين نفسي لازم تشوف في ايه وانا متردد اخد الخطوة لانى ماعرفش رد فعلها وفى نفس الوقت صعبانه عليا

لحد ما قررت فعلا اروحلها واول ماوصلت عندها وقفت قدامها وانا حاطط ايدي فى جيبي وبقولها انا اسف على الازعاج بس هقولك حاجه وهمشي

ممكن تهدى علشان اللى بتعمليه ده مينفعش فى الشارع واى حد هيشوفك كده فى المكان ده هيرخم عليكي لاقيتها بتزيد فى العياط

روحت قولتلها طيب ممكن اقعد جمبك علشان محدش يشك فى حاجه قالتلى اتفضل قعدت بينى وبينها مسافه علشان فعلا انا مكنش فى بالى اى حاجه غير انى اواسيها واهديها

وفعلا قعدت اقولها ممكن بقي تهدى وتبطلى عياط انا هتكلم معاكى شوايه وهمشي بس قبل مامشي هتكونى انتى مبطله عياط وماشيه قبلى

لاقيتها بصتلى وقالتلى انت عايز اي منى

قولتلها ولا حاجه انتى زى اختى وانا مش حابب اشوفك كده ومفيش اى حاجه فى الدنيا تستاهل دموعك ولا تستاهل تعملى كده فى الشارع

اهدى ومش عايز اعرف السبب كل اللى عايز اقوله ان مينفعش اللى بتعمليه وبعدين وريني المنديل ده كده

روحت واخده منها بصيت فيه قولتلها بهزار

المنديل باش وخلص يعنى اكيد دموعك خلصت

راحت ضاحكه وقالتلى فى غيره اهو ودموعى لسه ماخلصتش

قولتلها طيب بزمتك بعد الضحكه دى ينفع ننزل دمعه تانيه الوجه ده مخلوق علشان يبتسم واصلا بقى شكلك وحش وانتى بتعيطي راحت ابتسمت وقالتلى انت مين وطلعتلى منين

قولتلها انا يا فندم اسمى مازن وعربيتي فى البنزينه ببتغسل وانا مخنوق شوايه قولت اشم شوايه هواء ع الكورنيش بدل ماشم ريحه بنزين فى العربيه ??

راحت ضاحكه ولاقيتها هديت وقالتلى اتشرفت بمعرفتك وشكرا لزؤقك انت فعلا هونت عليا شوايه

قولتلها طيب كويس ممكن بقى نرمى المنديل ده كمان ومانطلعش غيره

قالتلى اهو ومش هطلع غيره

قولتلها ممكن لو مش هيضايقك تعرفيني بنفسك

قالتلى لا عادى انا اسمى نور 26 سنه

قولتلها اكيد من هنا قالتلى لا انا من حلوان

قولتلها وايه اللى جايبك كل المشوار ده كنتى فى زيارة او مشوار هنا فى المعادى

قالتلى لا انا كنت فى الجيزة وكنت راكبه ومروحه حلوان بس لاقتنى بقول للسواق على جمب علشان كنت مخنوقه شوايه وعايزة اقعد على الكورنيش شوايه ولاقيته فاضي ورايق وكمان البنزينه منورة المكان قولت اقعد شوايه

قولتلها طيب حلو انتى مخنوقه وانا مخنوق ووقفنا هنا لنفس السبب بس انا غيرك انا من سكان المعادى يعنى هروح قبلك بهزار وضحكت

كل ده مفيش فى دماغى اى حاجه غير انى اخرجها من المود اللى هى فيه واهديها

وبعد مرور 20 دقيقه معاها ببص على العربيه لاقيتها خلصت قولتلها انا اسف مضطر امشي علشان العربيه خلصت قالتلى ولا يهمك وشكرا جدا لزؤقك وموقفك معايا قولتلها ولا فى اى حاجه وانا معملتش حاجه اتشكر عليها وكويس انك وقعتى فى ايدى انا حد تانى كان ممكن يفهمك غلط

قالتلى فعلا عندك حق بجد انت محترم وزؤق اووى

قولتلها شكرا ليكى وهتعملى ايه دلوقتي

قتلتلى هقف اركب اى حاجه

وسلمت عليها وسيبتها وعديت الشارع حاسبت البنزينه وركبت عربيتي وببص عليها لاقيتها لسه واقفه وكانت الساعه وقتها 9:30 مساءا

روحت لاقيت نفسي بقطع الطريق وركنت بعديها بشوايه وبعدين رجعت لورا لحد ماوصلت ليها نزلت زجاج العربيه وقولتلها اركبي يا نور اوصلك علشان هتقفي كتير قالتلى لا شكرا مش عايزة اعطلك وبعدين انت زمبك ايه تدب المشوار ده كله

روحت ضاحك قولتلها هو انا يعنى هاروح مشي يا ستى اركبي ع الناس ماتفهمناش غلط

راحت فاتحه العربيه وركبت

وطول الطريق وهى ساكته وانا عمال اهزر واضحكها وبعدين قولتلها نور ممكن اعرف السبب اللى خلاكى تعيطى وماتقدريش تمسكى نفسك وتعملى كده فى الشارع

قالتلى انت ليه بتفكرنى والله هعيط تانى وساعتها هخلصلك علبه المناديل دى

روحت ضاحك وقولتلها لالالالا تعيطي ايه انا ماصدقت خلاص مش عايز اعرف حاجه المهم تبقي كويسه

قالتلى انا فعلا بقيت كويسه واول ماوصلنا حلوان لاقيتها بتقوللى انت هتنزلنى عند محطه المترو وانا هتمشي انا مش بعيد من هناك قولتلها ماشي يا ستى بس ممكن بقي طلب صغير قالتلى اتفضل طبعا

قولتلها ممكن تمسكى تليفونى وتكتبي رقمك وترنى على نفسك علشان لما اسيبك اطمن عليكي انك وصلتي بالسلامه

قالتلى اممممم ماشي مع انى مش بعملها مع حد بس انت حد محترم وانا واثقه فيك قولتلها تسلميلي

وفعلا كتبت رقمها ورنت على نفسها ومن ساعتها لحد ماوصلنا ونزلت وانا وهى ساكتين

قولتلها وهى نازله خدى بالك من نفسك

لاقيتها ابتسمت وقالتلى وانت كمان وشكرا جدا على اللى انت عملته معايا

قولتلها مفيش شكرا ولا انا عملت حاجه اصلا يلا من هنا بقي علشان ماتتاخريش

وروحت ضاحك وهى ابتسمت ومشيت

بس لاقيت نفسي براقبها من بعيد

يعنى استنيت بعد مابعدت بشوايه حلوين كده روحت ماشي وراها بالعربيه بس ع الهادى ع ماتخدش بالها منى

كنت عايز اطمن بس عليها

وفعلا فضلت ماشي وراها حوالى 10 دقايق لحد ماوصلت عند مول القصر لاقيتها دخلت شمال وراحت داخله عمارة

لاقتني مسكت التليفون وبرن عليها

ردت عليا قولتلها حمدلله على السلامه

لاقتها بتقوللى انت عرفت منين انا فعلا لسه واصله حالا حتى لسه على السلم

قولتلها حسيت بيكى

قالتلى امممم طيب شكرا على اهتمامك يلا بقي انت كمان لما توصل طمنى علشان ماحس بالذنب

قولتلها يلا اطلعى واعتبريني بخير طول مانتى بخير

وفعلا قفلنا وروحت واول ماغيرت هدومى وخدت شاور طلعت لاقيتها كانت رنه عليا 8 مرات

ضحكت وروحت متصل بيها لاقيتها قبل مايكمل رنه كانت بتقول الوو انت فين يا استاذ

قولتلها انا روحت وكنت باخد شاور بس

قالتلى مش تطمنى عليك انا قلقت قولت حصلك حاجه

قولتلها اتخضيتى عليا فعلا

قالتلى اه علشان ماشيلش ذمب بس وكويس انى اطمنت عليك

يلا عايز حاجه

قولتلها هتقفلي

قالتلى اه مانا اطمنت عليك خلاص عايز تقول حاجه

قولتلها اه عايز اقولك لو عايزانى امسح رقمك قوليلي انا كنت عايزة علشان اطمن عليكى بس واطمنت

قالتلى اللى انت عايزة وفرصه سعيدة

قفلت معاها بس مامسحتش الرقم

ولاقيت بعد ساعه حد بيبعتلى رساله على الواتس بيقوللى مازن

رديت عليها وعملت نفسي ماعرفش مين قولتلها مين

قالتلى انا نور انت مسحت رقمى ولا ايه

قولتلها مش انتى اللى طلبتى منى ده

قالتلى اه وانت بقي لما صدقت

قولتلها يا مجنونه انا اصلا مامسحتش الرقم ولما وصلتك فضلت ماشي وراكى لحد ماوصلتى واول مادخلتى البيت كلمتك

راحت بعتالى الايموشن ده ? وقالتلى

انا برضه اللى مجنونه وانت اللى عاقل اووى ?

عملت كده ليه يا مجنون

قولتلها الصراحه ماعرفش بس حسيت انى مش هكون مرتاح غير لما اطمن عليكى وخصوصا الوقت كان متاخر

قالتلى بجد ربنا يخليك ليا

قولتلها بجد بتتمنى ربنا يخلينى ليكى

قالتلى اه مش احنا اخوات وانت بتخاف عليا زى اختك

قولتلها اه طبعا

المهم قعدنا نتكلم لحد الساعه 2 بليل ع الواتس وقولتلها انا هنام علشان عندى شغل بدرى

قالتلى ماشي قولتلها ممكن طلب

قالتلى اؤمر

قولتلها ممكن اسمع صوتك قبل مانام

قالتلى الوقت متاخر معلش الصبح

قولتلها مش هطول عليكي

قالتلى طيب

رنيت عليها وردت عليا بصوت واطى اووى

وقعدت اتكلم معاها وادخل فى مواضيع

لحد مانمت وانا بكلمها

استنوا الجزء التانى علشان فيه تطورات اكتر

وهتعرفوا فيه مين هى نور وحياتها الشخصيه عباره عن ايه وليه كانت بتعيط يوم ماقبلتها

❤✍ الجـــــــزء الثــــانـــــــــى ✍❤

تانى يوم صحيت الساعه 8:30 فى ميعادى قومت لبست ونزلت اروح الشغل فتحت الواتساب زى كل يوم وانا نازل لاقيت نور بعتالى 5 رسايل بتقوللى فيهم

اول رساله بعد مانمت كانت الساعه ?3:00 صباحا

( انت نمت وانا بكلمك انا اسفه انى سهرتك وتعبتك امبارح معايا انا بجد اسفه ويارب تصحى فى ميعادك وماتروحش عليك نومه وتتاخر على الشغل ، تصبح على خير )

الرساله التانيه كانت الساعه ? 4:30 الصبح

( انا مش عارفه انام قلقانه تروح عليك نومه واكون انا السبب ?)

الرساله الثالثه كانت الساعه ? 5:00 الفجر

( يارتنى كنت سالتك هتصحى امتى كنت رنيت عليك اصحيك ?)

الرساله الرابعه كانت الساعه ? 6:30 الصبح

( انا مش هنام غير لما اطمن انك صحيت وروحت شغلك فى ميعادك علشان بجد هزعل من نفسي اووى )

الرساله الخامسه والاخيرة كانت الساعه ? 8:00 الصبح

( اول ماتصحى يا مازن ابعتلى انا فاتحه ومش هنام يالهووى الساعه بقت 8 وانت لسه نايم ياترى بتروح امتى شغلك ?)

واول مافتحت وشوفتهم قعدت سرحان فى كل رساله واقول بيني وبين نفسي ( هى مجنونه ....!؟ لالالالالا دى مش مجنونه دى طيبه وغلبانه اووى شكلها من امبارح حتى طريقه كلامها بتبين ده )

وقطع تفكيري وسرحانى رسايل جديدة منها ورا بعض بسرعه بتقوللى فيهم

( انت صحيت امتى-ولما صحيت وشوفت رسايلي ماردتش ليه-وانت بتروح شغلك الساعه كام-انت كمان فاتح ومش بترد عليا-انت ساكت ليه رد-انا طول الليل قلقانه يروح عليك نومه وانت تصحى وتفتح وماتردش تريحني بحرف حتى-يا استاذ رد انت مش هترد يعنى-طيب تصدق انا غلطانه واستاهل ض*ب الجزمة-سلام ومش هضايقك تانى اسفه-انا كنت قلقانه علشان ماشيلش زمبك بس )

هى بتبعت وانا بضحك على كلامها واسلوبها كنت هموت من الضحك وانا فاتح الشات وببص ليه ولكلامها

روحت باعتلها فويس وانا بضحك وبقولها فيه يا بنتى صباح الخير اي ده كله انتى مش مديانى فرصه اصلا ارد عليكي يا مجنونه وبعدين بقي انا لسه نازل هركب عربيتي واروح الشغل واول ماوصل هكلمك اشوف ايه اللى حصل من امبارح من ساعه ما نمت لحد ماصحيت

وبعتلها تانى رساله فويس قولتلها فيه يلا يا مجنونه قومى افطرى على ماوصل يا مجنونه ???

وبعتت ليا فويس بتقوللى فيه انا مش مجنونه على فكرة وبعدين انت رخم بجد بتضحك وانا قلقانه تروح عليك نومه روح يا استاذ شغلك ولما تبقي فاضي كلمنى علشان اعرف اخد حقي منك ومش هفطر ماليش نفس

اللى لفت انتباهى فى الفويس بتاعها ان صوتها كان فى نبره كأنها كانت بتعيط وده جننى اكتر وخلانى افكر فى مليون حاجه

وفعلا وصلت شغلى وطلعت دخلت المكتب صبحت على زمايلي فى الشركة و5 دقايق لاقيت

( سمر ) الـ Office Girl بتاعت الشركة بتدخلى القهوة بتاعتى.

خدت القهوة ودخلت غرفه التدخين ( عندنا فى الشركة غرفه للموظفين المدخنين عباره عن غرفه كبيره فيها طرابيزات مدورة صغيرة وكل طرابيزة قدامها كرسي واحد وفيها مكان تطفى فيه السجاير مفتوح فى وسط الطربيزة والغرفه كلها عبارة عن زجاج وفيها 10 شفطات ) قعدت شربت القهوة والسجاير وكلمتها فى التليفون قولتلها في اي بقي يا نور احكيلي مالك من امبارح

قالتلى مفيش حاجه انت نمت وانا بكلمك والوقت كان متاخر وكان شكلك تعبان لانى فضلت معاك ربع ساعه ع التليفون بكلمك وبقرالك والله وانت نايم وماصحتش

لاقيت نفسي بقولها انتى عملتى كده فعلا

قالتلى اه والله وبعدين قفلت معاك وانا حاسه بالذنب انى تعبتك وسهرتك وخفت اعطلك عن شغلك

لاقتنى بقولها فى جمله واحده بس وانا مبتسم

نور انتى جميلة اووى

لاقيتها سكتت وصوتها راح فاجاه وبتقوللى وهى متلغبطه ( انا انتى انت بتـ ) احمم احممم معلش سورى صوتى مش عارفه ماله ( انت بتقول ايه يا مازن ليه بتقول كده ) قولتلها علشان انتى فعلا انسانه جميلة اوووى شكلا وموضوعا وحاجات تانيه كتير فيكي حاسسها وانا احساسي عمره ما بيخيب لاقتها بتقوللى وده كله امتى وفين وليه بقي وبعدين بس بقي علشان بجد **ف*نى وانا مش بعرف ارد على الكلام الحلو ده

قولتلها ماشي يا ستى هسكت دلوقتي بس مش هسكت تانى اصل اللى فى قلبي على ل**نى ومابعرفش اخبى وخصوصا لو حاجه حلوة زيك

انا فجأة لاقيت احساس بيمتلكنى غريب

هو احساس اعجاب بالشخصيه ممزوج بالشكل والمضمون والطبع يمكن علشان دى حد ماقبلتوش قبل كده

فعلا قابلت وعرفت بنات كتير وعمرى ما قابلت حد كده جمال وطيبه وحنيه ومحترمه كمان

اه على فكرة محترمه جدا ...

وهتعرفوا ده مع الوقت

المهم فى اخر المكالمه قولتلها عندك مانع اعزمك على الغداء بره النهاردة

قالتلى انا مانمتش من امبارح وهاموت وانام طيب انت بتخلص شغل امتى قولتلها بخلص 5 المغرب

قالتلى طيب انا هقفل معاك وانام ولو صحيت قبل 5 هاكلمك نتقابل

لو ماصحتش وراحت عليا نومه يبقي ربنا بيحبك علشان ماتغرمش تمن العزومه ورحنا ضاحكين وقولتلها يلا يا ميجو قالتلى مين ميجو دى بقي قولتلها مجنونه يعنى ???????

قفلت معاها وروحت اشوف شغلى بقي

والوقت عدى طيارة عمرى ما حسيت ان الوقت فى الشغل عدى كده بالسرعه دى

فعلا ببص فى الساعه لاقيتها 4 قولت بيني وبين نفسي شكلها لسه نايمه سيبها براحتها الايام جايه بنا كثير

حرام اصحيها من النوم وفعلا بعد خمس دقائق لاقيت التلفون بتاعي بيرن وطلعت هي نور

قلت الو

قالتلى صباح الخير

قلت لها صباح النور

قلت لها يلا قومي فوقى عشان نخرج

قالتلى خلاص هقوم اهو

قولتلها طيب على ماتفوقى وتجهزى نفسك اكون خلصت شغل انا قدامى نص ساعه واخلص

ها تحبي اجيلك عند المترو ولا عند باب البيت ??

راحت قالتلى وهى مبتسمه اه انت عرفت بيتي فين نسيت صح

انت شغلك فين

قولتلها فى مصر الجديدة عند الميرغنى

قالتلى ياااه ده مشوار عليك طيب ماتروح وخليها يوم اجازتك احنا مش هنطير من بعض

قولتلها بصي بقي

اولا : انا لما باخد قرار فى اى حاجه ببقي مقتنع بيه جداا

ثانيا : بلاش تقوليلي تانى هتعبك واسفه وشكرا فاهمه

يلا قومى فوقي واجهزى على ماجيلك

لاقيتها بتقوللى براحه طيب انا كان قلبي عليك مش اقصد ازعلك والله اسفه خلاص ماتزعلش

قولتلها اسفه تانى

قالتلى يوووه بقي طبع فيا اعمل ايه انا

قولتلها تقفلى وتقومى وتجهزى على ماجى واقولك حاجه اهو الشغل اهو والوقت اصلا بقي 4:40 يعنى فاضل تلت ساعه مش هاعمل حاجه يادوب الم واجهز حاجتى ونفسي تبقي 5 اروح ?

وفعلا خلصت ونزلت وركبت عربيتي وكلمتها قولتلها ها وصلتى لفين قالتلى وصلت فين ايه مش انت قولت انك هاتيجى تاخدنى لو عايزنى اقرب المسافه واجيلك المعادى سهله هركب المترو واكون فى المعادى

طبعا هى بتتكلم كده وانا هموت من الضحك

يا بنتى ايه كل ده انا اقصد وصلتى لفين فى لبسك يعنى لبستى ولا لسه ولا بتعملى ايه

انا لسه نازل اهو وساعه زمن وهاكون عندك

قالتلى انا هدخل اخد شاور والبس على طول مش بتاخر فى اللبس

لانى مش بحط ميك اب انت لاحظت ده امبارح صحيح ولا لا

قولتلها لما تيجى هاقولك كل حاجه لاحظتها وعرفتها وحسيتها من امبارح لحد النهاردة يلا بقي علشان اخد بالي من الطريق

قفلت معاها ونص ساعه لاقيتها بترن عليا

كلمتها قولتلها ها قالتلى خلاص انا بلبس اهو انت فين

قولتلها انا على الاوتوستراد عند صقر قريش اهو

قالتلى على مهلك طيب وانا مستنياك على ماتيجى اكون خلصت وجاهزة

وقفلت معاها وكملت طريقي

واول ماوصلت عند المترو كلمتها قولتلها انا وصلت قالتلى انا هنزل اهو

قولتلها اقولك حاجه شايفه مول القصر قالتلى اه طبعا قولتلها لو جيتلك عنده فيها مشكلة بالنسبالك

قالتلى اه طبعا علشان دى منطقتى ومش عايزة حد يتكلم عليا انت ترضاها وبعدين فى حاجات كتير عنى انت ماتعرفهاش لسه لما تعرفها هتعذرنى ياعم خليك عندك انا 5 دقايق وهاكون عندك

قفلت معاها واستنتها

وفعلا شويه ولاقيتها قدامى

ركبت ..

نسيت اعرفكم على نور ( هى طولها 169 سم الوزن 70 كجم بشرتها بيضه عيونها عسلي ) ستايل لبسها مودرن شرعى محجبة الحجاب الصحيح

المهم ركبت وروحنا شارع 9 وقفت قدام مطعم انا عن نفسي بعشق اكله من ساعة ماتفتح ده غير اسباب تانيه مش مهم تعرفوها بقي

المطعم هو ❤ Aileen's ❤

المنيو بتاعه اصلا عندى فى العربيه وكنت مديهولها علشان تختار منه قبل مانروح وفعلا اختارت واول ماوصلت نزلت طلبت الاوردر ورجعت على العربيه قعدت فيها نص ساعه والاوردر خلص ولاقيت حد شغال جوة جايبهولى المهم خدت الاوردر وفتحت شنطه العربية بتاعتى ونزلنا انا وهى قعدتها جوة الشنطة طلعت وبما انها لابسه جيب واسعه فكان سهل انها تقعد تربع رجليها والكوتش اللى لابساه حتى مكنش باين من الجيب وهى قاعدة وحطيت الاكل فى الجمب التانى من الشنطة وانا كان عندى كرسي بيطبق فى الشنطة نزلته وفتحته وقعدت قدامها

وقعدنا ناكل قولتلها ممكن تحكيلي بقي انتى مين

قالتلى بص يا سيدى انا بابا توفى وانا عندى 10 سنين وامى اللى ربتنى انا واختى الصغيرة احنا من ساعه ما بابا توفى وماما جابتنا على القاهرة علشان المشاكل مع اهل ابويا واشتغلت وربتنا انا واختى

لحد ما كبرت وخلصت دراسه وكنت شغاله ايام الجامعه لحد ما من سناتين اتعرفت وانا فى الشغل بتاعى واحده زميلتي وبقينا قريبين اووى من بعض ولانى اصلا مش بحب الاختلاط ولا الصحوبيه والكلام ده لان امى كانت دايما تقوللى خلى بالك علشان انتى هبله وسهل يضحك عليكى

وفعلا وانا صغيرة اصحابي فى ثانوى كانوا بيستغلونى اسوا استغلال اكل ومشال ومصاريف كل حاجه ولما كنت بحتاج حد فيهم مكنتش بلاقيه وكنت افتكر ساعتها كلمة امى ليا

لحد ما وصلت لمرحلة ان معنديش ثقه فى اى حد

المهم مع مرور الوقت والايام ومعرفتى بصاحبتى دى كنا فى مناسبه عندها وواحد قاريبها شافنى واعجب بيا بس كان ساعتها اكبر منى كان هو 35 سنه وانا كنت 24 سنه المهم مافتش كتير لاقيت صاحبتى بتقوللى فولان عايز يتجوزك انا مكنش فى بالي ساعتها اى حاجه ولا حب ولا الكلام ده انا من كلام صاحبتي عنه وانه غنى ومعاه فلوس انا فكرت في الجوازه من ناحيه انى هرتاح من الشغل وهعوض امى واختى عن السنين الق*ف اللى عشناها

وكنت فاكرة ان الفلوس كل حاجه

وفعلا جى اتقدملى وانا وافقت وطبعا ماليش غير امى واختى واهلى محدش يعرف عننا اى حاجه من سنين مفيش غير خالتى لانها اخت امى الوحيدة مالهاش اخوات تاني وعايشه هنا فى القاهرة

المهم اتخطبنا وفى خلال شهرين كنا اتجوزنا هو جابلي شقه وفرشها انا ماجيبتش اي حاجه

وبعد جوازنا بـ شهر واحد بس لاقيته بيشرب حشيش فى البيت دى كانت اول صدمه

واتخانقت معاه قولتله انت بتشرب من امتى قاللى يعنى كل فين وفين انتى عامله حوار ليه قولتله علشان انا ماعرفش انك بتشرب ولو كنت اعرف مكنتش اتجوزتك

راح ضاحك وسيبته ودخلت اوضتى

وفى اليوم ده نمت لواحدى وانا عماله اعيط

بعد مرور الايام لاقيت الموضوع اتطور واكتشفت بلاوى اكبر

وهى ان الاستاذ بيشرب خمور وبيسهر فى ديسكوهات وانا راميني زى الكلبه فى البيت

قطعت كلامها وقولتلها انتى مشكلتك انه بيعمل كده ولا علشان سايبك وعايزاه يخدك معاه ويعيشك

لاقيتها اتعصبت عليا بتقوللى انت مجنون انت بتقول ايه انت شايفنى كده يعنى راحت سايبه الاكل وجت تقوم روحت ماسكها من دراعها وقولتلها اتنيلي اقعدى الناس تقول علينا ايه يا مجنونه

مكنش قصدى والله خلاص كملى وانا هسكت خالص

قالتلى مش هكمل حاجه علشان انت عصبتنى

قولتلها يا ستى كملى بقي

قالتلى مفيش هو ده اللى حصل وبعد كده سيبتله البيت وروحت عند امى وقعدت اسبوع وامى قالتلى معلش هو حياته كده حاولى تغيريه وبعدين انتى مكملتيش سنه متجوزاه هتطلقي منه علشان بيشرب حشيش وبيسهر مع اصحابه الناس تقول ايه بس

قولتلها ماشي يا ماما انا همشي واروح بيتي واستحمل علشان يعجبك

وفعلا نزلت وروحت وهو مكنش عارف انى راجعه وانا اصلا معرفش هو هناك ولا بره

المهم وصلت الشقه لاقيت الانوار والعه قولت يبقي المحروس هنا

وكانت الصدمه انى سمعت صوت جاى من غرفه نومى دخلت لاقيته فى حضن واحده على سريرى ماحستش بنفسي غير وانا فى المستشفى وامى واختى وهو واقفين حواليا

واول ماشوفته صوت بصوت عالى وقولتلهم طلعوووه بره مش عايزة اشوفه

كل ده وامى ماتعرفش اللى حصل

خرج وامى قالتلى اهدى قولتلها انا عايزة اطلق مش عايزاه وانهارت فى العياط

الدكتور دخل خرج امى واختى وادانى حقنه مهدئه ونمت

وبعد يومين خرجت من المستشفي والدكتور قاللى ماتعرضيش نفسك لاي مجهود ولا تزعلى نفسك

وادانى الكارت بتاعى وقاللي لو احتاجتيني لى اى حاجه ده رقمي وده عنوان العيادة

وفعلا روحت وهو رفض يطلقنى

رفعت عليه قضيه طلاق ووكلت محمامى

وكانت القضيه بس للاضرار النفسيه واكتشاف خيانته فى عش الزوجية

والمحامى اكتشف سبب تالت اكبر وانه وهو بيجمع معلومات عنه لاقاه متجوز وعنده اولاد واكبر واحد فيهم عنده 9 سنين

وماقاليش

القضيه **بتها فى جلسه واتحكملى بتعويض مادى 300 الف جنيه ده غير المؤخر بتاعى اللى كان كاتبهولى وهو 500 الف جنيه

كل ده مكنش مهم عندى قد ما مهم اخد ورقه طلاقي

وارتاح منه

واليوم اللى حضرتك قابلتنى فيه كنت لسه واخده قسيمه طلاقى من المأذون وروحت للدكتور العيادة لانى كنت حاسه انى تعبانه وكنت بعيط لما شوف*نى علشان كان صعبان عليا نفسي وكمان اتحسبت عليا جوازه وهبقي مطلقه وانت عارف اللقب ده بيتبصله ازاى والمشكله انى حاسه بالذنب تجاه الجنين اللى كان فى بطنى وسقطه علشان مكنتش عايزة منه عيال لانى حملت بعد ماكتشفت ق*فه وكنت لسن فى الشهر التانى وسقطت

هي دي حكايتي كلها يا سيدى

رديت عليها وقولتلها ياااااه دى حكايه ولا فى الافلام وبعدين ازاى واحد يكون معاه الملاك ده ومايحافظش عليه

ابتسمت وقالتلى يوووه بقي على البكش اللى انت فيه

ويلا علشان تعبت من القاعدة دى هات ايدك علشان انزل مسكت ايدها وكنت اول مرة امسك ايدها كل الفترة دى كان كبيري معاها سلام بس

وهى نازله وانا ماسك ايديها الچيب بتاعتها ع واسعه وطويله داست عليها غصب عنها بالكوتش بتاعها كانت هتقع راحت واقع عليا بس مش لازقت فيا ايد سندت علي كتفي والتانيه انا ماسكها اصلا ولاقيتها بتقوللى سورى وابتسمت ووشها جاب الوان الطيف

ركبنا العربيه وانا فى الطريق حاكيت ليها قصتي وقولتلها انا كمان مطلق بقالى 3 سنين وعندى بنت

وعايشه مع والدتها وانا عايش لواحدى من بعد الطلاق

ويوم ماشوفتيني كنت راجع من عند حد قريبي بس كنت مخنوق وزهقان

اهو انتى شيفانى عربيه وخروجات وفلوس الحمد لله معايا وشقه لكن مش مبسوط فى حاجات كتير نقصانى

السعاده مش موجودة بالمعنى الحقيقي اللى بدور عليه

قالتلى يااه اللى يشوف بلاوى الناس تهون عليه بلوته

ضحكنا واحنا فى الطريق مامتها رنت عليها كنسلت واتصلت هي قولتلها افتحى الاسبيكر عايز اسمع صوت مامتك قالتلى انت مجنون قولتلها والله مابهزر يلا بقي

المهم مامتها ردت انا سامعها بتقولها ماشي حاجه تانى ماشي ماشي ماشي

فهمت انها بتطلب منها طلبات

قولتلها كانت عايزة حاجه قالتلى ااااه يا سيدى لما بتصدق انى فى الشارع تقوللى هاتى وهاتى وهاتى اصلها بتخاف علي اختى اصلها برضه نيله كده ومالهاش فى اى حاجه وع**طه مع انها 19 سنه بس هبله لى نفسها

وضحكنا قولتلها طيب هى عايزة ايه

قالتلى حاجات من السوبر ماركت مجمدات وجبن وحاجات للتلاجه

وعايزة تسالي رايقه اوى الحاجه امى دى وضحكنا وقولتلها واي اللى مش هيخليها تروق

وانتى كمان روقى واللى جاي هايكون احسن مليون مرة

وقفنا واشترت الحاجات وروحتها لحد باب البيت قالتلى الناس يا مازن قولتلها اهو مسكت التليفون وعملت نفسي كريم او اوبر حلو كده اشتغلتلك اوبر وكريم علشان تتبسطى تحبي اشتغلك دليفري واطلع الحاجه فوق وضحكت ابتسمت وطلعت وانا مشيت

وروحت البيت ودخلت خدت دش ? سخن لان جسمى كان واجعنى جدااا

وطلعت عملت قهوة وقعدت قدام التليفزيون وشربتها مع سيجارة ? وفجأه لاقيت التليفون رن ولاقيتها نور

قولت الوووو سمعت صوتها بتعيط وبتقوللى الحقنى والنبي الحقنى قولتلها فى اى اهدى طيب

قالتلى امى يامازن امـى قولتلها طيب اهدى وانا جاى

قفلت معاها وكلمت الاسعاف اديتلهم عنوان البيت بتاعهم وقفلت معاهم كلمت نور قولتلها انا كلمت الاسعاف وجاين فى الطريق ليكى 5 دقايق هتلاقيهم عندك

رجعت كلمت الاسعاف ادانى رقم المسعف اللى جاى مع العربيه

اتصلت بيه قولتله بسرعه الحاله خطيرة

وقولتله ماتعملوش اى حاجه انجزوا وقت وخدوها على المستشفي على طول

قاللى يا فندم ماحنا لازم نكشف ونعرف يمكن مش مستاهله

اتعصبت عليه وقولتله وانت مالك انت انا اللي بقولك خد الحاله علي مستشفي السلام الدولى وانا هاحصلك علي هناك

فعلا 5 دقايق وكلمتني نور والاسعاف جت وخدوا ماما ماعرفش رايحين مستشفي ايه قولتلها انا قولتلهم يودوها السلام الدولي انا دلوقتي طالع علي هناك هتلاقيني مستنيكي

روحت وهما جم بعديا ب ربع ساعه دخلت كشفوا عليها وحولوها للعنايه المركزة

وسالت الدكتور هي مالها قاللي انت مين قولتله من غير مافكر جوز بنتها قاللي تعالي معايا

دخلت غرفته قاللي يا استاذ الحاله خطيره جدا واول ماتفوق هنعمل شوايه تحاليل واشاعات علشان نتاكد من حاجه لكن مبدأيا هي عندها ......................

وبكدة يكون الجزء التانى انتهى

شاركونى توقعاتكم ياترى الام عندها أيه

وايه اللى هيحصل فى الجزء القادم

انتظرونى فى الجزء الثالث