دموع _ الجزء الثاني

4827 Words

لاقيت نفسي بقوله لا يا دكتور أن شالـلـه لا وهتبقي غير اللي انت متوقعه قاللي انا اتمني وخرجت من عند الدكتور وروحت لــ نـور هى واختها ولاقتها بتقوللى هو الدكتور قالك ايه وماما مالها يا مازن طمنى لى حاجه قولتلها اهدى يا نـور مفيش حاجه هى بس تعدى النهاردة على خير وتخرج من العناية وبعد كده كله هيبقي تمام ويلا بقي احنا مش هنبات هنا ومالناش لازمه اصلا قالتلى لا مش همشي ومش هاسيب امى قولتلها يا نور اولا مش هينفع تقعدى هنا ثانيا ماما فى العنايه يعنى مش هينفع حد يدخلها هتقعدى انتى فين بقي ثالثا ماتخافيش عليها انا اعرف ناس هنا هاشوفهم فين وهاوصيهم عليها وبعدين انتى فى السلام الدولى مش فى القصر العيني يلا يلا علشان اوصلكم واروح قالتلى مش هايجيلي نوم وانا بعيد عنها قولتلها انتى لازم تهدى علشان نعرف ونفكر نعمل ايه وكمان علشان اختك تهدى وتطمنيها قالتلى انا مش عارفه اقولك ايه يا مازن بجد انت اجمل واحن وارجل حد قابلته فى حياتى انا مش عارفه من غيرك كنت هعمل ايه ولا اتصرف ازاى ابتسمت وقولتلها ربـنـا يخليكي انا معملتش اى حاجه ومامتك زى مامتى بالظبط قالتلى تسلملى ويخليك ليا ولاقيتها هديت شوايه وراحت تنده لاختها ونزلنا علشان نروح وبعد مانزلنا قولتلها استنونى هنا وروحت على الريسيبشن وطلبت من نور تيجى علشان نملى الابلكيشن الخاص بالحاله وطلبوا مبلغ تحت الحساب ومكنتش عامل حسابي على كاش قولتلهم ثوانى اجيب حاجه من العربيه وخدت نور واختها ووصلتهم للعربيه وخدت محفظتى ودخلت المستشفي وطلعت الفيزا ودفعت بيها 20 الف تحت الحساب وسالت على دكتور اعرفه هناك قالولى انه اجازة قولتلهم شكرا وخرجت وصلت للعربيه ركبت وانا مبتسم ونور قالتلى هما خدوا كام قولتلها بس يا ماما بطلى هبل قالتلى لا بجد قوللى علشان اسحبلك فلوس انت ذنبك ايه وعارفه ان المبلغ اكيد كبير بصيت ليها وانا متعصب قولتلها لو فتحتى الموضوع ده تانى هاسيبك هنا تتخ*فى روحت باصص لاخت نور لاقيتها بتعيط قولتلها لا عايزك انتى كمان تهدى بدل ماقلب العربيه فى النيل وارتاح منكم وضحكنا وخليتهم يفكوا قولتلهم يلا بقي نمشي ودورت العربيه ومشينا وصلتهم للبيت وقولتلهم بكره الصبح بدري هاكلمك وانا جاى علشان اخدكم ونروح لماما نور قالتلى بلاش تتعب نفسك وروح شغلك قولتلها اقفلي العربيه ويلا اطلعى ع الوقت متاخر ولما اروح نكمل كلام فى التليفون فعلا روحت واول مادخلت كلمت نور اطمن عليها وقولتلها هغير هدومى واخد شاور واكلمك غيرت هدومى وخدت شاور وطلعت اكلمها وانا بعمل فنجان قهوة علشان كنت مصدع وقولتلها بصي بقي بكرة هنروح بدرى وماما هتكون كويسه انشـــاء الـلـه والدكتور هيعملها شوايه تحاليل واشاعات وتبقي كويسه .. قالتلى انا مش عارفه يا مازن اقولك ايه بجد انت وقفت معانا وقفه عمر ما حد عملها معايا .. قولتلها يا نور انتى بقيتى مسؤوله منى خلاص وماما زى امى بالظبط وانا معملتش اى حاجه صدقيني قالتلى ربـــنا يخليك ليا ومايحرمنيش من وجودك وحنيتك عليا يارب .. قولتلها يلا بقي ناموا وقفلت معاها وقعدت افكر فيها وفى الوضع الجديد اللى انا بقيت فيه بقيت افكر فى نور كتير وحسيت من ناحيتها بحاجات كان بقالي كتير مش بحس بيها ونور فعلا انسانه غير اللي انا قابلتهم في حياتي كلها ونمت وانا قاعد وصحيت على الساعه 7 الصبح عملت فطار وكلت ولاقيت نور بتبعتلى على الواتس وبتقوللى انت صحيت ولا لسه نايم قولتلها انا صاحى من بدرى قالتلى وايه اللى صحاك قولتلها قلقت فصحيت قولتلها يلا بقي علشان انا ربع ساعه وهنزل اجيلك اجهزوا بقي قالتلى ماشي يا حبيبي ولاقيتها مسحت الرساله وبعتت ماشي قولتلها انتى كنتى باعته ايه فى الرساله اللى مسحتيها قالتلى مفيش كتبت كلمه غلط مسحتها عادى ماتركزش قولتلها ماشي مع انى شوفتها بس مارضيتش احرجها علشان حسيت انها طلعت تلقائيه وات**فت قفلت معاها ولبست ونزلت وكلمتها وانا فى الطريق قالتلى انا لبست وجاهزين وصلت لعندها رنيت عليها قولتلها انا تحت البيت نزلت هى واختها وركبوا ووصلنا للمستشفي دخلنا طلعنا ودخلت للدكتور واطمنت على ماما قاللى الحاله بتدهور وبقت اسواء من امبارح بس هناخد منها عينه دم نعملها تحليل وهندخلها تعمل اشاعه على المخ انا بداءت اقلق وبحاول مابينش لنور علشان ماتقلقش وبعد ساعه لاقيت الدكتور داخل ومعاه ممرض وممرضه وخدوا عينه دم والممرض خدها لمعمل التحاليل اللى فى المستشفي وبعديها نقلوها لغرفه الاشعه عملولها اشاعه على المخ ورجعت تانى للرعايه ونــــور بتسالنى هى ماما مالها وليه الاشاعه وليه هى لسه مافقتش لحد دلوقتى قولتلها معلش يا ماما اهدى وشوايه وهنعرف كل حاجه مر ساعتين والاشاعه والتحاليل طلعت نتيجتها وروحت للدكتور بساله قاللى هنشوف وهقولك لاقيت بعد شوايه دكاترة كتير داخلين غرفه الدكتور بداءت اقلق اكتر مسكت تليفونى واتصلت بالدكتور اللى اعرفه فى المستشفى مرتين ماردش بعديها بدقايق لاقيته بيتصل بيا رديت عليه سلمت عليه وقولتله انت فى المستشفى قاللى لا فى العيادة بس شوايه وهاكون فى المستشفى ليه قولتله اصل انا فى المستشفى ومعايا حاله بس صعبه شوايه سالنى مين ومالها حاكتله قاللى طب مين الدكتور المسؤول عن الحاله قولتله دكتور كذا .. قاللى طيب اقفل وانا هكلمه واطمن واطمنك قولتله شكرا وهستنى مكالمتك شوايه ولاقيته بيكلمنى قاللى يا مازن الصراحه الحاله صعبه اوووى وحرجه جدااا ادعولها تفوق الاول وبعدين يحلها الف حلال قولتله يا دكتور فولان طمنى اكتر هى عندها ايه بالظبط قاللى عندها (Meningioma) الورم السحائي قولتله ده ايه معلش قاللى ده ورم في المخ وفي حاله متاخره جدا لدرجه انه سببلها ساكته دماغيه قولتله يا دكتور والحل ايه قاللي مفيش في ايدينا حل غير اننا ندعيلها هي بين ايدين ربــنــا وهو الوحيد اللي قادر يعديها علي خير لما تفوق وتخرج من العنايه المركزة بعديها يجي دورنا كبشر ونشوف هنعمل ايه قفلت معاه وانا عيني مدمعه ومش قادر قلبي واجعني اووي بلف بضهري علشان ارجع لـ نـور لاقيتها في ضهري وبتقوللي انت بتعمل ايه هنا وكنت بتكلم مين ابتسمت وقولتلها ايه يا نـور انتي بتغيري ولا ايه حاولت اهدي نفسي ومابينش ليها حاجه قالتلي لا طبعا مش غيرانه واغير ليه يعني بتقولها وهي م**وفه وباصه في الارض قولتلها طيب بصيلي كده عيني ف عينك قالتلي يوووه بقي هو ده وقته يعني احنا في ايه ولا في ايه المهم قوللي الدكتور صاحبك ده ماقلكش حاجه وانت مش هتدخل للدكتور تساله بقاله كتير جوه ومفيش اي خبر قولتلها اه صحيح هدخل اهو وسيبتها وقولت الحمد للــه ماخدتش بالها من عيني وخبطت ودخلت للدكتور قاللي اتفضل اقعد قولتله بص يا دكتور انا اعرف دكتور كذا وهو لسه مكلم حضرتك وبصراحه كلمني وفهمني الحاله مالها قاللي طيب تمام كويس انه وفر عليا انا مش عارف كنت هاوصلك المعلومات دي ازاي قولتله يا دكتور دلوقتي عايز اعرف الحل ايه قاللي احنا عندنا امل ان ربنــا يعدي الساعات اللي جايه علي خير وتفوق من الساكته الدماغيه اللي عندها علشان نفحص الحاله كويس ونعرف هنتعامل ازاي بس الاكيد اننا مش هنقد نعمل اي تدخل جراحي لان الورم في المرحله الاخيره ومتضخم وضاغط علي خلايه المخ فصعب اننا نعمل اي عمليات بس هي تفوق وتعدي المرحله دي علي خير وبعد كده هنشوف هنعمل ايه طبعا انا شكرت الدكتور وخرجت جري علي الحمام وانا بفكر اعمل ايه مع نور اوصلها المعلومه ازاي ولا ماقولهاش اصلا بس كل اللي انا حاسس بيه اني تعبان بجد رجعت بالزمن في لحظه يوم ما اكتشفت ان امي الـله يرحمها عندها المرض ده وانها توفت بيه بعد سنين صراع معاه فضلت ابكي وانا بغسل وشي ومش قادر اتماسك لحد ما هديت شوايه بعد فتره خرجت لاقيت نور واختها قاعدين سالتني كنت فين قولتلها كنت في الحمام قالتلي هي عينك مالها كنت بتعيط ولا ايه قولتلها اه اصل في طير دخل عيني وعيني وجعتني كنت بغسلها وضحكت وانا من جوايا بتقطع بجد قولتلها يلا بينا علشان نمشي قعدتنا مالهاش لازمه وفعلا مشينا وركبنا العربيه واحنا مرواحين ببص في الساعه لاقيتها 8 بليل رحت باصص لنور وقولتلها بقولك ايه مش بيفكرك بحاجه كورنيش المعادي باصتلي وضحكت وقالتلي هو انا اقدر انسي طبعا بيفكرني روحت ركنت العربيه قالتلي وقفت ليه قولتلها مخنوق وعايز اتكلم معاكي شوايه في موضوع كده قالتلي مخنوق وانا معاك طيب يا سيدي يلا نزلنا وقولت لاختها مش هتنزلي قالتلي لا انا مرتاحه كده روحو انتوا قولتلها طيب علي راحتك وقفنا مع بعض وانا باصص علي النيل ومش بتكلم وفاجاه لاقيت عيني دمعت حاولت اخبيها عنها لاقيتها بتقوللي ساكت ليه هو فين الموضوع اللي عايز تحكيلي عليه فضلت ساكت لاقيتها بتقوللي بصلي ورد عليا مالك يا مازن واول ما حركت وشي ناحيتها قالتلي انت بتعيط يا مازن مالك في ايه اتكلم انا زعلتك في حاجه روحت ماسك ايديها وضميتهم علي بعض جامد وقولتلها لا طبعا انا عمري مازعلت ولا هزعل منك قالتلي امال مالك احكي قولتلها الصراحه هو موضوع مش عارف احكيلك عنه ازاي احكي علي طول قلبي هيقف قولتلها لا مش هحكي غير لما توعديني انك تمسكي نفسك لاقيت عينيها دمعت وبتقوللي ابوس ايدك احكي علي طول بقي مابقتش ماستحمله احكي احكي احكي قولتلها طيب اهدي ماما تعبانه شوايه واحتمال تطول في العنايه المركزة عايزك ماتقلقيش انا ماعرفتش برضه احكيلها حاجه لاقيتها بتقوللي يعني ايه هتطول شوايه هي ماما مالها قولتلها مفيش هي عندها غيبوبه واحتمال تطول علي ماتفوق شوايه الدكاتره مش مقصرين وانتي شايفه اهو قالتلي انت متاكد انها غيبوبه قولتلها اه واللــه ماشي يا مازن انا بكره هادخل للدكتور واساله بنفسي اتعصبت عليها قولتلها مفيش دخول لدكاتره ومفيش اصلا مرواح في حته بكره انا هاجي اشوفها واطمن عليها وابقي اطمنك في التليفون انتي فاهمه ويلا بقي علشان اروحك لاقيتها بتقوللي انت بتزعقلي وبتتعصب عليا انت بتكلمني كده ليه وبعدين انت ازاي تقوللي مش هاروح في حته دي امي انت فاهم يعني ايه امي امي انا مش امك انت علشان تبقي انت اللي مهتم بيها وقلقان عليها وتطلب مني اهدي وماجيش ازورها انا كلامها زعلني اووي وقولتلها يا ستي كتر الف خيرك هي فعلا امك انتي مش امي وانا اسف ليكي وتعالي شوفيها براحتك ولو عايزة ترجعي تباتي معاها هوصلك يلا بقي نمشي وسيبتها ومشيت لاقيتها مسكتني من دراعي وبتقوللي يا مازن استني انا اسفه والـلـه ماعرفش قولت كده ازاي ماتزعلش انا جزمه وحماره قولتلها لا انتي جاموسه ورحت ابتسمت وهي قالتلي يا سيدي جاموسه جاموسه بس ماتزعلش مني بقي قولتلها يلا يا مجنونه علي العربيه علشان اروحك قالتلي قوللي الاول انك مش زعلان قولتلها مش زعلان يا ماما يلا بقي وفعلا مشينا وروحنا العربيه لاقيت اختها نايمه ركبنا وقولتلها عرفتي ليه بقولك مالهاش لازمه تتعبوا نفسيكم وتيجوا تاني ماما محدش بيزورها يعني جيتي زي ماجيتيش وانا هاجي اتابع الحاله وانتوا ارتاحوا في البيت وهبلغكم اول باول ولا لسه شايفه انها مش امي انا وامك انتي بس قالتلي يا علي قلبك الاسود بس بقي انسي قولتلها يبقي من هنا ورايح تسمعي كلامي فاهمه قالتلي ماشي يا سيدي وروحتها البيت ونزلت وقالتلي لما توصل ابقي طمني ماشي قولتلها ماشي يا ماما يلا تصبحي علي خير قالتلي مش هنام انا دلوقتي هستناك قولتلها وانا مبتسم ماشي يا حبيبتي قصدي يا نـور وسيبتها ومشيت وروحت البيت غيرت وعملت فنجان قهوة وكلمتها ونمت وانا بكلمها قدام التليفزيون صحيت الساعه 9 الصبح علي تليفوون رقم غريب قولت الوو لاقيت واحده بتقوللي استاذ مازن قولتلها اه انا مازن مين معايا قالتلي مع حضرتك.....؟ ❤❤❤❤❤❤❤❤❤❤❤ وبكده يكون الجزء الثالث خلص توقعاتكم مين اللي اتصل بيا وكان عايزني في ايه ..؟ ❤❤❤❤❤❤❤❤❤❤❤ ? تنويه يا جماعه مهم ? القصه تحمل معاني كتير ودروس اكتر القصه اجتماعيه وحقيقيه مش من تاليفي ولا خيال وحبيت اشاركها معاكم علشان حبيت كل واحد ياخد منها الشيئ المميز اللي فيها وانتظروا الاجزاء القادمه لانها مؤثره وهامه جداا ✍❤ الــجـــزء الــــرابـــــع ❤✍ صحيت الساعه 9 الصبح علي تليفوون رقم غريب قولت الوو لاقيت واحده بتقوللي استاذ مازن قولتلها اه انا مازن مين معايا قالتلي مع حضرتك مريهان من مستشفى السلام الدولى عدلت نفسي وانا مخضوض قولتلها خير قالتلى خير ماتقلقش انا بس بكلم حضرتك علشان ابلغك ان الحاله اللى كانت فى العناية المركزة فاقت بس محتاجين من حضرتك تشرفنا فى اسرع وقت لان فى اجراءات محتاجين نعملها بس قبل مانعملها محتاجين توقيع حضرتك على شوايه اوراق صوتى بداء يهدى واخد نفسي وقولتلها حالا مسافه السكه وهاكون عندك وفعلا قومت جرى لبست ونزلت حتى مابصتش علي التليفون ولا جى في بالي اكلم نور اطمنها كان اهم حاجه عندى اوصل المستشفى باسرع وقت علشان اطمن انا الاول وفعلا ركبت عربيتي ونص ساعه كنت هناك وصلت المستشفى دخلت على الاستقبال سالت عن اللى كلمتنى قالتلى انا يا افندم قولتلها الحاله فين قالتلى فى العناية قولتلها ليه مش هى فاقت قالتلى اه يا استاذ مازن ممكن تهدى ماتقلقش واللـه الحاله فاقت بس محتاجه تفضل على الاجهزة شوايه قولتلها طيب اشوفها ممكن قالتلى هاخليك تشوفها بس تعالى معايا الاول للدكتور فولان اللى مسؤول عن الحاله قولتلها ماشي وروحنا دخلنا غرفه الدكتور قولتله صباح الخير يا دكتور قاللى صباح النور يا استاذ مازن اتفضل استريح قعدت ولاقيته بيقول للموظفه روحى هاتى الاوراق اللى قولتلك عليها وبلغى البوفيه يجيب حاجه لاستاذ مازن يشربها تشرب ايه يا استاذ مازن قولتله ياريت قهوة لو أمكن قهوتك ايه ..؟ قهوتى مانو بس ياريت البن تقيل وفعلا راحت الموظفه والدكتور قعدت يتكلم معايا شوايه بص يا استاذ مازن .. الحمد للـه الحاله فاقت بس هتفضل على الاجهزة 24 ساعه علشان نتابع الحاله لان ممكن يحصل اى تطور فى اى وقت فالاحسن ليها تبقي على الاجهزة فى العنايه المركزة النهاردة وبكرة لو الحاله فضلت مستقره هانعملها شوايه فحوصات علشان نحط ايدينا على حجم الورم ومدى تفاعله فى الجسم لان واضح ان الورم كان عندها من فترة طويله وهى ماتعرفش واللى حصل لها ده لانه وصل لمرحله متاخرة كل اللى احنا عايزينه ان حضرتك هاتمضي على الاقرار اللى هاتجيبه الاستاذه مريهان علشان الحاله خطيرة وده مجرد اجراء روتيني علشان نخلى مسؤوليه المستشغى فى حال حدوث اى حاجه للمريض مش بايدينا طبعا فاهمنى يا استاذ مازن خلص الدكتور كلام وانا سرحان فى اللى بيقوله وبيمر قدام عيني شريط ذكريات من سنين لما والدتى كان عندها نفس المرض واكتشفناه فى اخر مراحل ليه برضه لاقيت الدكتور بيقوللى يا استاذ مازن حضرتك معايا قولتله اه يا دكتور مع حضرتك انا اسف قاللى ولا يهمك ودخلت مريهان معاها الاقرار مسكت القلم ومضيت عليه واستاذنت الدكتور اطلع اعمل مكالمه وخرجت ولاقيت عامل البوفيه جاى بالقهوة خدتها منه وطلعت من المستشفى اشربها مع سيجارة ومسكت التليفون فتحته لاقيت نـور كانت بتحاول تتصل بيا 27 مرة ولسه هتصل بيها لاقيتها بترن عليا رديت عليها قالتلى انت فين يا مازن حرام عليك بقي تليفونك كان مقفول ليه انت كويس قولتلها اهدى يا نور انا بخير وفى المستشفي من نص ساعه قالتلى ومكلمتنيش ليه وتليفونك كان مقفول ليه ها انطق قولتلها اهدى يا مجنونه على الصبح التليفون مكنش مقفول اكيد شبكه ( طبعا انا بكدب عليها لانى كنت قافل التليفون لحد ماروح واطمن ) وبعدين عايز اقولك حاجه مهمه بقي بس عايزك تمسكى نفسك وعلشان خاطرى تهدى لاقيتها بتقوللى وهى مخضوضه فى اي ماما جرالها حاجه قول يا مازن قولتلها لالالالالا مش قايل فى التليفون البسي واجهزى وانا جاى حالا اخدك ونيجي علي المستشفى واقولك لما اشوفك قالتلى لا قول دلوقتي سيبت اعصابي امى حصلها حاجه انطق بقي حرام عليك قولتلها واللــه ماهقولك غير لما اشوفك وبعدين اقفلي وانجزى علشان ماتضيعيش وقت قفلت معاها وانا بضحك قولت اوقع قلبها شوايه وعارف انى رخم بس انا بحب المقالب اصلا وفعلا ركبت عربيتي ومشيت وروحتلها ساعه كنت عندها كلمتها انتى خلصتي اه انت فين بقي انا تحت البيت انزلى قالتلى نازله اهو لاقيتها لواحدها سالتها عن اختها قالتلى تعبانه سيبتها نايمه علشان مانمناش من امبارح قولتلها طيب هى عارفه انك نازله علشان ماتصحاش تقلق عليكي قالتلى اه قولتلها وانا نازله قوللى بقى ماتنسنيش فى ايه بقى قولتلها فى اي في ايه قالتلى هاتستهبل انطق انا مش عارفه اتلم على اعصابي حرام عليك قولتلها طيب هاتى ايدك كده قالتلى نعم هو ده الموضوع قولتلها انجزى بقي مسكت ايدها روحت ضميت ايدى على ايدها جامد قولتلها ايه ده هى متلجه كده ليه قالتلى ولا حاجه فى انسان بارد اتصل بيا من ساعه وقع قلبي ومطمنيش وقفل ودلوقتي عمال يستهبل ومش عايز يحكى شكله عايزنى احصل امى قولتلها بعد الشر عليكي روحت بايس ايديها لاقيتها سخنت فاجاه وقالتلى ايه ده بقي اللى عملته ده قولتلها ايه اضايقتي قالتلى اه .. لا.. يوووه بقي احكى في ايه قولتلها يا ستى اتصلوا بيا الصبح من المستشفى وقالولى تعالى دلوقتى حالا اتخضيت وروحت بسرعه لاقيت ماما فايقه وكويسه لاقيتها سابت ايدي وقالتلى بجد بجد وفرحت راحت ض*بانى على كتفي وقالتلى ابو شكلك يا مازن خضتنى يا بارد قولتلها طيب ن*دى بقي علشان اقولك هايحصل ايه قالتلى فى ايه قولتلها هما هايعملولها شوايه فحوصات الفترة اللى جايه وهتفضل 24 ساعه فى العنايه المركزة قالتلى ليه هى لسه تعبانه ضحكت وقولتلها فى ايه هو لعب عيال دى تعبانه وكانت فى غيبوبه ماتقلقيش هى شوايه وقت وهتبقي كويسه قالتلى يــــارب يا مازن انا عايزة اقولك حاجه بقي بسبب الخبر الحلو ده قولتلها خير يا ماما قولى قالتلى بص انا طول حياتى عمرى ماقبلت حد زيك انت انسان محترم وراجل بجد وطيب وحنين اووى قولتلها ده ايه ده بقي وايه كمان قالتلى بس بقي مفيش حاجه خلاص قولتلها لا قولى بجد واي كمان انا عايز اسمع قالتلى تسمع ايه انا بحكى حدوته قولتلها دى احلى من اى حدوته قالتلى طيب خلاص بقي وركز فى الطريق قولتلها ماشي يا ستى على راحتك وشوايه ووصلنا المستشفى دخلنا وروحنا على العنايه المركزة واستاذنا الدكتور اننا ندخل نشوفها وفعلا دخلنا وقعدنا ربع ساعه مع ماما لاقيت نـور بتعيط روحت حطيت ايدى على كتفها وضمتها عليا ودى كانت اول مرة اعملها وطبطبت عليها وقولتلها ممكن تهدى ماما كويسه اهى واطمنتى عليها ويومين بالكتير هتطلع وتنور بيتها من جديد قالتلى يــــارب يا مازن لاقيت ماما بتشاورلى بايدها روحتلها ومسكت ايدها وبوستها وقولتلها نعم يا امى بصت ليا بعينها وضغطت على ايدى اووى وراحت مشاوره علي نـور فهمت هى عايزة تقوللى ايه عايزة تقوللى خلى بالك من نــــور روحت طبطبت علي ايدها وشاورتلها بايدى التانيه على عنيا ( معناها فى عيونى ماتقلقيش ) وروحت قايم وخدت نور من ايدها وقربنا لماما وقولتلها ماتخافيش يا امى نور واختها فى عيونى وانتى هاتقومى لينا بالسلامه وتنورى حياتنا من جديد فى اللحظة دى انا اتاكدت انى بحب نور بجد روحت خدت نور وخرجنا وقولتلها يلا بقي ادينا اطمنا على ماما تعالى نروح نتغدى واروحك قالتلى ماشي بس عايزة اسال الدكتور على حاجه ممكن قولتلها تعالى دخلنا للدكتور ولاقيتها بتقول للدكتور يا دكتور هى ماما هتبقي كويسه فعلا قالها ان شاء اللـه قالتله هى عندها ايه طيب بصيت للدكتور فهم انى ماقولتلهاش قالها مفيش اجهاد زيادة بس وعملها شوايه مشاكل فى الضغط فتعبت ودخلت فى غيبوبه واهى فاقت اهى قولتلها اطمنتى يا ستى يلا بقي .. شكرا يا دكتور اسفين تاعبينك معانا قاللى وهو مبتسم لاتعب ولا حاجه ده شغلى وربنـا يطمنكم عليها قولتلها شكرا يا دكتور وخرجنا ونور بداءت تهدى اكتر خدتها وروحنا اتغدينا وجيبنا غداء لاختها وروحتها وانا فى الطريق قولتلها عايزك بكرة فى مشوار قبل مانروح لماما قالتلى يا مازن انت صحيح مابتروحش الشغل وانا معطلاك عنه وخايفه اعملك مشاكل فيه قولتلها بس هبل انا واخد اجازه 15 يوم انا ليا اجازات سنوين واحنا فى اخر السنه وعايز اخلصهم قالتلى يعنى تاخد اجازتك علشان ترتاح وتغير جو وتهدى اعصابك ولا علشان تتعب انا مش عارفه اقولك ايه بجد تعبتك معايا قولتلها طيب جاوبى على سوالي علشان مانزلكيش هنا وتاخديها مشي قالتلى سؤال ايه معلش نسيت قولتلها عليز بكرة فى مشوار قبل مانروح لماما قالتلى اه فين طيب ومشوار ايه قولتلها بكرة هاتعرفي وفعلا وصلنا البيت وقولتلها وهى نازله خدى بالك من نفسك ولو احتاجتى اي حاجه فى اى وقت كلميني على طول قالتلى ربنـا يخليك ليا ولا يحرمنى منك ابدا قولتلها ولا منك يـــارب ماتنسيش بكرة بقي وهكلمك لما اروح يلا اطلعى وهاتوحشيني قالتلى وهى م**وفه وانت كمان هاتوحشني بجد خلى بالك من الطريق ومن نفسك وسيبتها وروحت ❤❤❤❤❤❤❤❤❤❤❤ كده الجزء الرابع خلص تتوقعوا ايه المشوار اللى عايز نـــــور فيه !!؟ ❤❤❤❤❤❤❤❤❤❤❤ ✍❤ الــجـــزء الــخـــامـــس ❤✍ يلا نبتدى ?✍ روحت البيت كالعادة دخلت غيرت هدومى ودخلت خدت شاور وطلعت عملت فنجان قهوة ومسكت التليفون وكلمت نـور قولتلها عامله ايه قالتلى انا بخير روحت امتى قولتلها من ساعه كده يا ماما اتعشيتي قالتلى ماليش نفس يا مازن وقلقانه على ماما اوى مش متعودة على غيابها وجودها فى البيت كان بيطمنى انى بخير حتى لو كان فيا تعب العمر كله قولتلها فى ايه اهدى وبطلى كلام بايخ يا ستى اعتبرى نفسك لسه متجوزة ومش قاعدة معاها وهى اصلا هتقوم بالسلامه وتبقي بخير مانتى سمعتى الدكتور قال ايه وطمنك عليها وبعدين مانا معاكى وجمبك اهو ولا مش كفايه قالتلى انا اللى مطمنى بجد انك فى حياتى انا ماعرفش اصلا لو كنت مش موجود كنت هتصرف ازاى ولا كانت نفسيتي عامله ازاى انت بجد اجمل صدفه قابلتها فى حياتى ربنــا لا يحرمنى منك ولا من وجودك فى حياتى قولتلها ولا يحرمنى منك ويقدرنى واعوضك عن كل اللى فات واسعدك واخليكي اسعد انسانه فى الدنيا قالتلى انا اسعد انسانه بوجودك فى حياتى قولتلها بصي بقي عايزك تنامى بدرى وماتفكريش فى اى حاجه علشان عايزك تصحى فايقه علشان بكرة يوم مهم وصعب قالتلى وهى بتضحك ليه هـنحارب قولتلها يا ظريفه لا هاشوفك قالتلى مانت بتشوفنى كل يوم انت تعرف ان يوم ماقابلتك صدفه انا روحت وقولت اننا مش هنتكلم غير كل فين وفين علشان اطمن عليك ومكنش فى دماغي ان علاقتنا تبقي كده بالسرعه دى قولت انت عندك شغلك وحياتك وانا حد قابلته صدفه اكيد مش مهمه فى حياتك اوى يعنى قولتلها ودلوقتى قالتلى دلوقتي ايه قولتلها بقيتى مهمه ولا مش مهمه قالتلى وهى م**وفه ? معرفش انت اللى تحدد قولتلها واحساسك بيقولك ايه قالتلى انا احساسي بيقوللى انى عايزة اقفل بقي دلوقتى علشان اروح انام علشان اصحى فايقه بدرى ولا عايزنى اصحى متاخر وعيني منفخه قولتلها ماشي يا فصيله امشى روحى نامى واللى يصحى ببل التانى يكلمه ضحكت وقالتلى ماشي يا بابا يلا تصبح علي خير قولتلها وانتى من اهل الخير يا نــور عين بابا قفلت معاها وقعدت على الموبايل شوايه وبعدين نمت على نفسي وصحيت الساعه 9 الصبح على تليفون نور الوو ايه يا حبيبتى صباح الخير قالتلى صباح الورد ?الباشا لسه نايم قولتلها لا خلاص اهو صحيت قالتلى طيب يلا علشان انا بلبس عايزة اروح لماما قولتلها ماشي يا روحى هقوم البس اهو واجيلك قالتلى مازن ممكن طلب من غير عصبيه قولتلها اؤمرى يا ماما فى ايه قالتلى ممكن تروح انت المستشفى وانا هركب اوبر او كريم واروح انا اتعدلت واتعصبت وقولتلها وده من ايه بقي قالتلى افهمنى بس انت كل يوم تيجى تاخدنا وترجع المعادى تانى مشوار عليك يا بابا قولتلها هو انا باجيلك ماشي على رجلى وبعدين هو انا اشتكيت ليكي قالتلى لا وعمرك ماهتشتكى انا عارفه لانك زؤق قولتلها اه كويس انك عارفه قالتلى بس انا لازم يبقي عندى دم يعنى قولتلها طيب ممكن تخلى عندك دم وتقفلي وتسيبيني اقوم علشان ماتاخرش قالتلى وهى بتضحك طيب يلا خد بالك من نفسك وانتى كمان يا رخمه ضحكت وقالتلى سلام وقفلنا وقومت دخلت غسلت وشي وعملت قهوتى ولبست وخدتها معايا ونزلت اشربها فى العربيه وكلمت نور اول مانزلت ها انا نزلت وحضرتك خلصتى قالتلى انا جاهزة بقالى ساعه طيب يا ماما مسافه السكه وهاكون عندك قالتلى تيجي بالسلامه قولتلها هو انا جاى من السعودية وضحكت قالتلى ابو شكلك يا اخى وضحكت قولتلها يلا يا بت من هنا سلام قالتلى وهى بتضحك سلام يا مجننى وصلت لعندها ونزلت هى واختها وركبوا وروحنا المستشفى دخلنا وسالت على الدكتور قالولى بيمر على الحالات وجاى روحنا على العنايه مالاقيناش والدت نور نور اتخضت وقالتلى ماما فين قولتلها اهدى هنعرف دلوقتي سالت الدكاترة بتوع العنايه قالولى خرجت الحمد للـه ونقلناها لغرفه 103 لاقيت نور فرحت وقالتلى الحمد للـه يا مازن ماما بقت كويسه قولتلها هنروح نطمن عليها شكرا يا دكتور وروحنا سالنا على الغرفه ووصلنالها دخلنا لاقينا مامت نور ومعاها ممرضه اول ماشاف*نا ابتسمت ونور واختها جريوا عليها حمدللـه على السلامه يا ماما ونور مسكت ايدها وقالتلها كده يا ماما تغيبي عنى الايام دى كلها روحت ملطف الموضوع قولتلها يا أوڤر ايام ايه دول مكملوش كام ساعه وضحكت قالتلى دول مش ايام دول عدوا عليا سنين روحت مقرب منهم وروحت ماسك ايد مامت نور وبوستها وقولتلها يلا بقي علشان تريحينى من المجنونه دى راحت نور ض*بانى على كتفي وقالتلى انا مجنونه يا بايخ راحت ماما ضحكت وكنت اول مرة اسمع صوتها وهى بتقول ربنـا يخليك يا حبيبي ومعلش تعبتك معانا اليومين دول قولتلها يا ماما مفيش تعب ولا حاجه انتى فى مقام امى ودول اخواتى لاقيت نور باصت ليا وهى متعصبه وقالت لمامتها فعلا يا ماما مازن عمل اللى مكنش ممكن يعمله اخويا لو كان عندى اخ قولتلها انا معملتش حاجه ويلا بقي علشان نسيبها ترتاح وخرجنا انا ونور واختها وقولتلهم استنونى فى الاستراحه جاى بسرعه قالتلى رايح فين قولتلها هاروح اسال علي حاجه وراجع قالتلى طيب اجى معاك قولتلها لا خليكي مش هتاخر وفعلا سيبتهم وروحت للدكتور ودخلت لاقيته فى غرفته قاللى ازيك يا استاذ مازن قولتله الحمد للـه قاللى اتفضل اقعد وفعلا قعدت وسالته ها يا دكتور طمنى ماما اخبارها ايه دلوقتى قاللى بص هى بليل بقت كويسه نقلتها للغرفه تحت المراقبه الدقيقه ولو روحت ليها دلوقتي هتلاقي ممرضه عندها قولتله اه مانا كنت لسه عندها وفعلا معاها ممرضه قاللى لاننا كان لازم نتابع الحاله بعيد عن الاجهزة علشان لو كان حصل اى حاجه كنا نتصرف بسرعه قولتله كتر خيرك يا دكتور بجد مش عارف اقولك ايه قاللى ماتقولش حاجه انا معملتش حاجه زيادة عن واجبي المهم دلوقتى الحاله بقت مستقره بنسبه كبيره احنا بكرة هنعملها الفحوصات والاشاعات اللازمه علشان نحط ايدينا على مدى حجم الورم ومدى خطورته على الحاله فى المرحله دى علشان نعرف هنعالجه ازاى فى الفتره اللى جايه بس انا متفائل خير انشاء اللـه قولتله انشاء اللـه يا دكتور بجد شكرا على مجهودك وتعبك قاللى ماتشكرنيش انا هنا علشان اقدم الخدمه الطبيه اللازمه ومتنساش انى دكتور ودى شغلتى قولتله ياريت كل الناس فى اخلاقك واخلاصك لشغلك قاللى شكرا لزؤقك يا استاذ مازن قولتله العفو استاذنك وسيبته وروحت لغرفه والدت نور دخلت قولت للممرضه ممكن تسيبينا لواحدينا شوايه قالتلى مش هينفع لانى لازم اتابع الحاله قولتلها معلش عايز ماما فى موضوع ومش هطول 10 دقايق بس قالتلى ماشي بس ماتخليهاش تتكلم كتير ولو حاجه هاتضايقها بلاش لانها فى مرحله محتاجه الاستقرار النفسي والعصبي والزعل وحش جدا عليها قولتلها لالالالالا ابدا انا هسألها على حاجه وبسرعه وانا اللى هتكلم هى مش هتقول اي حاجه قالتلى ماشي وسابتنا وخرجت قعدت جمب ماما على كرسي جمب السرير ومسكت ايدها وقولتلها «( ماما يمكن تكونى ماتعرفنيش كويس انا اسمى مازن عندى 33 سنه من المعادى كنت متجوز وانفصلت عن زوجتى من سناتين عندى بنت عندها 4 سنين عايشه مع مامتها وانا عايش لواحدى مستقل بنفسي من بعد طلاقى بشتغل ••••• فى شركه ••••• والحمدللـه مرتبي كويس ووضعى الاجتماعى والمادى كويس جدا )» قالتلى ربنــا يوسع رزقك ويوفقك ويهدى سرك ويعوضك ببنت الحلال قولتلها «( ربنــا يخليكي ليا يارب? وقولتلها انا يمكن ماعرفش بنت حضرتك من كتير انا بقالى اسبوع نعرف بعض والقدر واحده اللى جمعنا وهو برضه اللى قربنا من بعض اكتر بعد تعب حضرتك انا بصراحه باشكرك على تعبك السنين اللى فاتت دى كلها فى تربيه نـور لانها فعلا انسانه محترمه جدا ده غير انها اصلا انسانه طيبه وحنينه وغلبانه اووى انا عرفت كل حاجه عن موضوعها القديم وعلشان ماطولش عليكي واصدعك انا كنت عايز اطلب منك الموافقه انا عارف ان الوقت مش مناسب بس انا انسان واضح وص**ح عايز منك رد واحد دلوقتى موافقه ولا لا وبعد ماتقومى لينا بالسلامه هاجى اخطوبها )» لاقيت مامت نور بتبصلى وهى مبتسمه وبتقوللى «( انا عمرى ماهلاقى حد حنين عليها واطمن من بعد منى على بناتى معاه عليك انا ماعرفكش بس كل اللى عملته معانا من يوم مادخلت حياتنا بيثبتلى انك راجل يعتمد عليه وانسان محترم وطيب )» بصيت ليها وانا عيونى مليانه فرحه ورحت بايس ايدها وقولتلها يلا بقي قوميلنا بالسلامه علشان نفرح كلنا ورحت سايبها ورايح لـ نـور واختها وانا الابتسامه ماليا وشي لاقيتها بتقوللى كنت فين كل ده قعدت ادور عليك قلقتنى قولتلها ماتقلقيش يا حبيبتى وكانت اول مرة اقولها وانا مطمن وانا بقولها وحاسس من جوايا ان خلاص بقي من حقي اقولها حبيبتى وبحبك وكل الكلام الحلو اللى ممكن يتقال بين اى اتنين بيحبوا بعض لاقيتها بتقوللى فى ايه مالك شكلك مبسوط طيب ابسطنى معاك انت قابلت الدكتور وقالك اخبار كويسه عن ماما قولتلها هو انا قابلت الدكتور وقاللى اخبار كويسه وكل حاجه بس مش ده السبب اللى مخليني مبسوط قالتلى امال ايه اللى مفرحك كده قولتلها تعالوا نخرج قعدتنا مالهاش لازمه وجو المستشفيات ده انا اصلا مش بحبه قالتلى هنروح فين خلينا شوايه علشان عايزه ادخل تانى لماما قولتلها ماما نامت شوايه ويلا بقي روحت ماسك ايدها ودى كانت اول مرة امسك فيها ايدها واحنا مع بعض هى استغربت بس حسيتها مبسوطة واللى طمنى انها ماسحبتش ايدها منى ولا اعترضت وفعلا خرجنا من المستشفى ركبنا العربيه ولاقتنى ماشي ع** طريقنا اللى هو اتجاه بيتهم قالتلى رايح فين قولتلها رايحين مشوار كده عايزك معايا فيه بس الاول هنروح نتغدى ونشرب حاجه وبعدين نروح مشوارنا قالتلى موافقه يا مجنون بس بشرط قولتلها مفيش حاجه اسمها بشرط فى حاجه اسمها موافقه بس عندى طلب وانا يا اوافق يا موافقش لان انتى ماتشرطيش عليا وصلت يا نور عينى ولا لا راحت ضاحكه وقالتلى يا سيدى ماشي موافقه بس هتوافق علي طلبي علشان خاطرى قولتلها عمرى ما هرفضلك طلب من هنا ورايح قالتلى لالالالالا انت فيك حاجه غلط النهاردة انت لما سيبتنا روحت عملت جلسات على مخك ولا ايه ? ضحكت وقولتلها لا جلسات على قلبي ❤ يلا بقي اطلبي وبطلى غلبه قالتلى مع انى مش فاهماك بس ماشي ممكن بقي توافق انى اعزمك انا النهاردة روحت ضاحك بصوت عالي وقولتلها هو ده الطلب قالتلى اه بتضحك علي ايه قولتلها اصلي للاسف مضطر ارفض طلبك وروحت ضاحك بصوت عالي جدا وهى راحت ضاحكه واختها ماتت على نفسها من الضحك قولتلها ايوة كده من هنا ورايح عايز اشوف الابتسامه والضحكه على وشوشكم وكلها كام يوم وماما تبقي فى وسطينا ونتبسط كلنا لاقيتها بتقوللى يــــــــــارب يا مازن روحت ماسك ايدها واديتلها بوسه علي كف ايدها من جوة وقولتلها ربـنا يحفظك ويخليكي ليا ابتسمت وقالتلى ويخليك ليا يـــارب المهم انا كنت ناوى اخرجهم خروجه انا بقالى كتير ماخرجتهاش وليها معزة شخصيه عندى انا من عشاق المناطق الشعبيه الاثرية اللى ليها تاريخ وحضارة مصريه عريقه # # # # # # # # # # # # # # # # *

Free reading for new users

Scan code to download app

App Store Google Play

Facebookexpand_more