SABAY na lumabas ang mag-inang Nisyel at Pinky sa kanilang mansyon. Galit na galit silang dalawa at anumang oras ay puputok silang parang balloon.
"Kuya Caloy, pakihatid po kami sa eskwelahan. Magtutuos kami ng Harris na 'yon!"
Napakamot naman sa batok ang pobreng driver. Hindi nito mawari kung nagjo-joke lang ang dalawang amo niya o talagang sasabak ang mga ito bakbakan. Mukha kasi nag-a-acting lang ang mga ito ng galit-galitan.
"E, Ma'am Nisyel, saglit lang po. Tatawagan ko lang po si Sir Skeet," ani Mang Caloy. Ngunit agad na nagprotesta si Nisyel.
"Naku h'wag na po, Kuya Caloy. Yakang yaka na namin 'to ni baby Pinky. Tara na po, baka makatakas pa ang Harris na 'yon."
"Pero Ma'am, baka magalit po si Sir."
"Mas magagalit po siya kung iistorbohin pa natin siya sa kanyang trabaho. Ka
