THE WORLD'S MOST WANTED (SSPG!)

ANG BUNTIS‼️

NAGLAKAD ang isang babaeng buntis sa isang Alley sa Downtown New York. May bitbit din itong isang bag, habang nakahawak siya sa kanyang malaking tiyan. Bakas din sa mukha ng babae ang hirap na kanyang iniinda, dahil sa bigat ng dala nitong bag at laki ng kanyang tiyan.

Sa hindi kalayuan ay may dalawang sasakyan ang nakatigil. Ang mga sakay nito ay nakatayo sa pagitan ng kani-kanilang mga sasakyan at tila may pinag u-usapan ang mga ito na importante. Nagbubulungan at tila ayaw nilang may makarinig nang sino man ang kanilang pinag-uusapan. Tila nagkakainitan din ang dalawa at kulang na lang ay magp@t@yan sila sa tabi ng kalsada.

Naglakad palapit sa gawi nila ang buntis at humawak pa ito sa hood ng isang kotse, saka napayuko ito at biglang nabitawan ang hawak niyang bag sa kalsada, saka dumaing ng sakit.

"Ahhhgk!" Malakas na pagdaing niya, habang ang kanang kamay nito ay nakahawak sa ilalim na bahagi ng malaki nitong tiyan.

Mabilis naman na napalingon ang dalawang lalaki na nag-uusap, upang malaman kung saan nanggaling ang narinig nilang boses. Pareho silang nakakunot ang noo, dahil sa pagtataka kung bakit mayroon ibang tao sa Alley na iyon. Hindi kasi daanan iyon ng tao, dahil madalas na nagkakaroon ng riot sa lugar na iyon.

"Who is that woman? What is she doing here?" Tanong ng isang lalaki na may mahabang balbas sa buong mukha niya. Nakakatakot itong tingnan, dahil sa laki ng katawan nito, kasama ang height nito. Naka suot ito ng makapal na winter coat at may nakapaikot pang shawl sa kanyang leeg.

Napatingin naman ang isang lalaki na halos kasing laki din ng kasama nito. Mas maliit lang ang height nito, kompara sa kasama niya. Nagtatakang napaharap ang lalaki sa buntis na nakahawak sa hood ng kanyang kotse, saka niya ito tinanong. "Hey, woman! What are you doing here? Can you hear us?" Tanong nito, dahil nakayuko na ang babae at parang gusto na nitong umupo sa kalsada, dahil sa kung anong sakit ang nararamdaman nito sa katawan.

Napa-angat ng paningin ang babae at lumuluhang napatingin sa dalawang lalaki. Bakas sa mukha nito ang hirap na kanyang tinitiis, habang nakahawak ito sa ilalim ng malaki nitong tiyan. "Help! Help me, I'm going into labor. Please take me to the hospital." Nakiki-usap na wika ng babae. Lalo din niyang kinapitan ng mahigpit ang gilid ng hood ng sasakyan, upang doon kumuha ng lakas.

"Get out of here! We're not doctors! You can't ask us for help!" Pagtataboy ng lalaking malaki ang katawan sa kawawang babae. Kahit nakikita niya itong hirap na hirap, ay ipinagtatabuyan pa rin niya ito at hindi man lang nakaramdam ng awa.

"Ma'am, please leave. You can't stay here. This place is very dangerous." Mariing sabi ng isang lalaki. Nakakatakot din ang mukha nito, ngunit tila may natitira pa rin awa sa kanyang puso.

"Please, have mercy. Help me get a taxi. My baby is coming." Paki usap ng babae sa kanila, kaya naantig ang puso ng lalaki.

"Alright! I'll walk you to the exit so you can get a taxi." Sabi ng lalaki, saka ito humakbang palapit sa buntis. "Where's your husband? Why didn't he come with you?" Tanong pa nito sa babae, dahil nagtataka siya kung bakit mag-isang naglalakad ang babaeng buntis sa isang Alley na halos ayaw daanan ng mga tao sa lugar.

"My husband is dead. I'm all alone." Agad na sagot ng babaeng buntis. "Aaaaah!" Muli pa siyang napadaing, saka hinawakan ang kanyang balakang.

"Oh, I'm so sorry. Here, hold on to me so I can help you get to the exit." Mabilis na hinawakan ng lalaki ang kamay ng babae na nakahawak sa hood ng kotse. Inilagay ng lalaki sa kanyang baywang ang kamay ng babae, upang may makapitan ito. Saka nila nagsimulang maglakad.

"My bag, Can you please help me pick up?" Nakikiusap na wika ng babae sa isang lalaki na nanunuod lang sa kanila.

Masamang tingin ang itinugon sa kanya ng lalaki, ngunit humakbang din ito palapit sa bag na nasa sahig at pinulot ito, upang ibigay sa babae.

Habang pinupulot ng lalaki ang bag sa sahig ay mabilis naman na inikot ng babae ang suot nitong sing-sing at may lumabas na maliit na karayom. Mahigpit niyang hinawakan ang kamay ng lalaki nang ibigay na sa kanya ang bag, kaya natusok ang kamay nito at mabilis na namanhid. Sabay din na bumagsak ang dalawang lalaki sa kalsada, dahil may karayom din sa isang kamay ng buntis na nakahawak sa baywang ng lalaking tumulong sa kanya.

Napasulyap sa kaliwa't kanan ng kalsada ang buntis, upang masiguro na walang tao na nakakita sa ginawa nito sa dalawang leader ng Gang sa lugar. Ang dalawang taong ito ang pasimuno ng gulo sa lugar na iyon, ngunit hindi mahuli-huli ng mga police, dahil marami silang kapit na laging naka back up sa kanila. Wala din makuhang ibidensya laban sa kanila ang mga police, dahil biglang nawawala ang lahat ng kahit nasa kamay na ng police. Ang masama pa ay pin@p@tay nila ang sinumang makialam sa trabaho nila.

Mabilis na hinila ng buntis ang dalawang lalaki at nilagay ang mga ito sa loob ng kani-kanilang sasakyan, saka nilagyan ng time b*mb ang ilalim ng dalawang sasakyan. Matapos maisara ng buntis ang pintuan ng mga kotse ay muli nitong pinulot ang bag na dala nito kanina at matulin na tumakbo pabalik sa pinanggalingan nito. Hanggang sa nakakita siya ng basurahan sa isang corner, kaya mabilis siyang nagkoble sa likod ng basurahan at nagtanggal ng kasuotan at mabilis na pinalitan ang kanyang mga damit. Matapos nitong masigurong hindi na siya makikilala sa dating ayos ay muli siyang tumayo at itinapon sa basurahan ang kanyang bag, saka mabilis na naglakad palayo sa lugar. Pinindot din niya ang remote ng time b*mb, kaya biglang maririnig ang malakas na pagsabog ng dalawang kotse at ang basurahan na pinagtapunan niya ng mga ginamit nitong pang-disguise. Nagpadala din siya ng email sa isang recipient.

Pumasok sa isang subway ang babae at doon siya sumakay ng train pabalik sa pinanggalingan nito. Bago sumakay ang babae sa train ay nag vibrate ang kanyang cellphone. Kinuha niya ito at nakita niyang pumasok na sa account niya ang 2 Million USD. Matamis ang ngiti nitong sumakay sa train at naglakad patungo sa hindi matao at may bakanteng upuan, saka siya umupo doon at inayos ang hood ng jacket nito at salamin sa mata. Ipinatong din nito ang isang paa niya sa kanyang hita at nakahalukipkip siyang napasandig sa upuan. Masaya din siya, dahil sa kanyang iniisip.