THE WORLD'S MOST WANTED (SSPG!)

HULING RAMPA‼️

MASIGABONG PALAKPAKAN ang maririnig sa buong paligid, habang nakatayo sa harapan ng runway si Thisa. Siya ang huling lumabas at naglakad sa runway, suot ang pinaka tampok sa mga design ng kilalang fashion designer sa New York City. Makikita rin na mabilis na umakyat sa stage si Bruce, habang may buhat na malaking Flower Bouquet, para kay Thisa. Nilapitan niya si Thisa at hinalikan pa niya ito sa pisngi bago ibinigay ang hawak nitong bulaklak. Inakbayan pa siya ni Bruce, saka sila sabay na kumaway sa mga tao, bago sila bumalik sa loob.

Matapos ang show ay nagpaalam din sila kaagad at sabay na umalis sa lugar. Sa condo ni Thisa sila tumuloy na dalawa. Nagpa-deliver din si Bruce ng kanilang pagkain, dahil late na, kaya hindi na sila dumaan sa Restaurant. Pagpasok nila sa loob ng Condo ay nagkanya-kanya muna sila ng pasok sa kani-kanilang mga kuwarto, upang maligo at makapag palit ng damit.

Nag damit lang ng simpleng pambahay si Thisa, dahil mas comfortable siya sa ganon na kasuotan. Si Bruce naman ay naka suot ng Bermuda shorts at puting T-shirt na round neck.

Binuksan ni Bruce ang pinto, nang may mag door bell. Alam niyang ang kanyang order na iyon, kaya mabilis niyang kinuha ito. Binigyan pa niya ng Tip ang lalaking nag-deliver ng kanilang pagkain, kaya masayang nagpasalamat ang lalaki sa kanya. Tama naman na lumabas na si Thisa, mula sa kanyang kuwarto kaya agad na silang kumain. Nag bukas din si Bruce ng isang Wine, para may inumin sila, habang kumakain. Si Bruce din ang naghiwa ng Turkey na order niya, at nilagyan ang plato ni Thisa. Naglagay din siya ng sauce sa gilid upang may sawsawan si Thisa.

Nilagyan din ni Bruce ng Wine ang baso ni Thisa, saka ito nakipag cheers. "To the success of your fashion show earlier!" Sambit ni Bruce, habang nakataas ang kanyang kamay na may hawak na baso.

Kinuha rin ni Thisa ang kanyang Wine glass at itinaas ito. "Thank you, Bruce. Thank you for coming, too. I thought you weren't going to make it." Sabi ni Thisa, saka niya idinikit ang kanyang baso sa baso ni Bruce. Napangiti rin siya, habang nakatingin sa guwapong mukha ng lalaki.

"How could I miss it? It's your last show. You know, Thisa, I'm happy seeing you walk the runway and getting applauded by the audience. But why did you suddenly resign from modeling?" Nagtatakang tanong ni Bruce. Hindi niya maunawaan ang ginawa ni Thisa, dahil namamayagpag ang Modeling Career nito, ngunit bigla itong nag-resign.

"I want to start a new life, Bruce. A quiet life, away from the public eye. This has been my dream for a long time, I hope you understand." Sagot ni Thisa. Bigla din siyang napayuko, dahil hindi niya kayang salubungin ang mapanuring mata ni Bruce.

"I understand, Thisa. Whatever you plan to do or want in life, I'll always be here to support you." Saad ni Bruce, saka sumimsim ng Wine. Nakatitig pa rin ito sa magandang mukha ni Thisa ang lalaki, habang umiinom ito. Alam ni Bruce na may malaking dahilan si Thisa, kaya ito nag resign, pero hindi na lamang niya inusisa ang babae. Isa sa ayaw pa naman ni Thisa ay yung pinipilit itong magsalita.

"Thank you, Bruce." Pasalamat ni Thisa, saka sumimsim din nang Wine. Muli niyang ini-iwas ang kanyang paningin, dahil ayaw niyang mahalata siya ni Bruce.

"Let's eat, so you can rest." Pagyaya sa kanya ni Bruce, kaya lihim na natuwa si Thisa.

Tahimik na silang kumain at tanging ang kalansing na lamang ng mga kubyertos ang maririnig. Hanggang sa matapos silang kumain ay wala na silang imikan na dalawa. Hanggang sa matapos silang kumain at magkasamang nagligpit ng mga pinagkainan nila. Magka akbay pa silang naglakad patungo sa kanilang mga kuwarto.

"Good night, Thisa. Sleep well so you can rest. I'm leaving early tomorrow because my flight to London is early. We might not see each other again when I get back. Let's see each other in the Philippines next month" Saad ni Bruce. Hinaplos din niya ang pisngi ni Thisa, saka hinalikan ito sa noo.

"Good night, Bruce. Take care on your business trip. Don't neglect yourself there, you might get sick. I'll be waiting for you in the Philippines, Bruce. I'll miss you." Tugon ni Thisa. Niyakap din niya si Bruce, saka siya pumasok sa sariling silid.

Tahimik na tumayo si Thisa sa likod ng pinto. Malalim siyang nag-isip, dahil sa nalalapit niyang oag-uwi sa Pilipinas. Kinakabahan din siya na hindi niya mawari. Ilang minuto din siyang nakatayo sa may likod ng pinto, saka siya nagpasyang pumasok sa banyo, upang maghanda sa pagtulog.

KINABUKASAN ay tanghali na nagising si Thisa. Bumangon siya at naligo, saka nagbihis ng kanyang panlabas. Nagkape lang siya sandali, saka siya lumabas ng kanyang Condo, upang ayusin ang pagpapadala ng kanyang mga gamit sa Pilipinas. Pati ang kanyang mga magagarang sasakyan ay ipapadala din niya sa Pilipinas, upang doon niya ito gamitin. Alam niyang Million din ang babayaran niyang Tax ng mga ito pagdating nila sa Philippine Custom, ngunit hindi na niya iyon inisip. Ang mahalaga kay Thisa ay maiuwi niya ang mga Sports Car niya doon.

Matapos niyang matapos ang lahat ng paglakad ng mga kailangang papeles ng kanyang mga sasakyan ay naglakad-lakad naman siya sa mga bilihan. Hanggang sa napadaan siya sa isang Jewelry Shop at may nakita siyang magandang necklace na naka display sa may salamin, kaya pumasok siya sa loob at binili ito. Dumaan din siya sa isang shop ng mga mamahaling damit pambata at namili ng maraming damit. Tuwang tuwa pa siya sa mga design ng mga ito, dahil alam niyang magugustuhan ito ng pagreregaluhan niya.