"Kumusta naman kayo?" aniya, pagkasabi nito niyon ay tila magkakilala talaga kami ngunit hindi rin naman kaya kakaiba ang nararamdaman ko sa paglapit nito. Naupo ito sa bakanteng silya sa aking kaliwa nang hindi kami sumagot. Napatitig naman si Nip sa babae sa malusog nitong hinaharap habang umiinom ng alak. "Tinatanong ko kayo kung masaya kayo rito?" dagdag ng babae. Ang mga mata nito ay sa akin na hindi ko binibigyang pansin.
"Oo, naman. Ngayong nandito ka," ang mahinang sabi ni Nip nang maibaba niya ang hawak na baso. Baka nga naman marinig ng mga kalalakihan na kasama ng babae.
"Nakakatuwa ka," anang babae na binaling ang tingin kay Nip sabay ngiti nang malapad. "Ba't hindi kayo lumipat sa aming mesa para naman maging makabuluhan ang araw niyo. May iaalok kami sa inyong gawain, kikit
