"Anong ginagawa mo diyan!" Ito ang isinigaw ng babae kaya muli akong napatingala. Nakilala ko kaagad ang babae dahil sa kulot nitong buhok, si Maware.
"Itanong mo kay Hamish!" sigaw ko naman pabalik. Sumakit nang bahagya ang aking lalamunan sa biglaan kong pagsigaw. Mukha namang naunawaan ni Maware kung bakit ako naroon matapos na marinig ang pangalan ni Hamish mula sa akin. Nalaman ko iyon sa sumunod nitong isinigaw.
"Umalis ka na! Ako na ang bahala sa kaniya!" Umalingaw-ngaw ang boses nito sa ibaba sa kaniyang pagsigaw. Nakalagay pa ang dalawang kamay nito sa gilid ng bibig. "Saka tawagin mo siyang prinsipe baka may makarinig sa iyo! Maparusahan ka pa lalo!"
Binaling ko ang tingin ko kay Episo. "Hindi bagay kay Hamish maging prinsipe, ano?" tanong ko rito na sinagot nito ng pagtaas ng
