BUHAT SA silid ni Kirst ay narinig ni Chrislynn ang pagbukas ng main door sa condo unit. Katibayan na dumating na si Kirst nang tanghaling iyon. Nangako ito kaninang umaga, bago ito umalis, na maagang uuwi.
Naisipan niya itong i-prank. Kaya naman mabilis at buong ingat na nagtago siya sa heavy curtain na abot hanggang sa sahig ang laylayan ng kurtina. Hindi naman obvious na may tao roon. Pumwesto siya sa may bandang dulo kung saan puwede niyang iwahi ng bahagya ang kurtina once pumasok sa silid ni Kirst.
“Babe,” narinig pa niyang tawag sa kaniya ni Kirst buhat sa labas ng silid. Iniwan niyang medyo nakaawang ang pagkakabukas ng pinto sa silid nito.
Itinakip niya sa bibig ang dalawang kamay para lang hindi gumawa ng ingay. Pigil niya ang mapatawa.
“Babe? Chrislynn?”
Ramdam niya ang yab
