LUMAPAD ang ngiti sa labi ni Chrislynn ng sa wakas ay makita si Kirst. Naglalakad-lakad siya ng hapong iyon. Ito talaga ang gusto niyang makita kaya napagpasyahan niyang lumabas ng bahay niya. Pakiramdam niya ay kompleto na ang maghapon niya.
Kasalukuyan itong nagpapala ng graba at isinasalin sa sako. Kita rin niya ang pawisan na nitong noo. Ito na talaga ang holder sa category na most gorgeous construction worker sa balat ng lupa. Bawat galaw din nito ay bumabakat sa suot ang tikas ng pangangatawan. May muscle ito pero hindi naman putok na putok. Tama lang para sa magandang katawan nito. He has a perfect body that every girl will die for.
Dahil abala na pagmasdan ito kaya hindi siya nakapaghanda ng mag-angat ito ng tingin sa kanya. Itinigil nito ang ginagawa at maaliwalas ang guwapong m
