Sexiest Weapon

Chapter 3

“Congratulation Nathan!” Bati ni Sir. Mendoza. Siya ang Ama ni Brian. At siya na ngayon ang namamahala sa organization simula nang mamatay si Mr. Carpio.

“Maraming

salamat Sir. Mendoza. Karangalan kong maging bahagi ng organization.” Sagot ni

Nathan sa kanya. Pumasok si Nathan sa loob ng Kwarto kung saan nila pag-uusapan

ang magaganap na misyon. Umupo siya sa kulay itim na sofa na nakaharap sa white

board.

“Mag-intay lang

tayo sandali at inaantay pa natin ang makakapareha mo.”

Kunot noo na

tinignan ni Nathan si Mr. Mendoza, akala niya ay mag-isa lang siya sa gagawing

misyon ngunit may makakapareha pala siya at ngayon lang niya nalaman ang

tungkol dito. Biglang bumukas ang pinto at iniluwa si Raul.

“Ikaw?” Bulalas ni Nathan. Hindi siya makapaniwalang si Raul pa din pala ang makaka-partner niya. Nakangising lumapit si Raul at hinampas siya sa balikat.

“What’s up? Parang

ayaw mo ha? Don’t tell me babae ang gusto mong maging partner? Parang ako pa

ang lugi dahil baguhan ang ipapareha nila sa akin.” Wika ni Raul. Sinamaan siya

ng tingin ni Nathan.

“Oh tama na yan!

Hindi ko kayo pinapunta dito para mag-away. Kaya kayo nandito para sa isang

misyon. At Raul, wag mong mamaliitin ang kakayahan ni Nathan. Siya ang nanguna

sa lahat ng training na pinagdaanan ng mga agents sa nakalipas na taon. Kaya

siguradong hindi nalalayo ang kakayahan niyo.” Paliwanag ni Mr. Mendoza. Sabay

na napabuntong hininga si Nathan at Raul. At hinintay na lang ang sasabihin

nito.

“Simulan na

natin.”

Kaagad binuksan

ni Mr. Mendoza ang projector sa kanilang harapan. At tumambad sa kanila ang

malaking mansion.

“Interesting.”

Saad ni Raul

“Shhh!” Saway ni

Nathan. Tumahimik naman agad si Raul dahil sa pagbago ng slides na nasa

kanilang harapan na mga larawan ng hindi kilalang personalidad. “Ito ang Yao

Mansion. Binubuo ng isang angkan ang Yao Family. Ang pinamatanda sa kanila ay

Si Wang Lei Yao siya ay sixty years old. Half Chinese at half Pilipino meron

siyang limang anak dalawa dito ay lalaki at tatlo naman ay babae. Based sa

aming research tatlo sa mga anak niya ay may asawa na. At dalawa na lang ang

wala pa. Kung mapapasin nyo sa larawan sobrang laki ng mansion na yan. Triple

ang laki sa football fields ang kabuohan ng area na yan masyadong malaki para

sa pamilyang sekreto ang kanilang pinagkukunan ng yaman. At hindi lang yan ang

nag-iisa nilang ari-arian. Dahil meron pa silang mansion sa iba't-ibang lugar

sa Pilipinas. And who knows kung sa abroad din." Mahabang paliwanag ni Mr.

Yao.

"Ano pong

gagawin namin sa kanila?" Hindi na napigilan ni Nathan ang magtanong pero

may idea na siya sa misyon nila ni Raul.

"Ang misyon

niyo, ay alamin kung saan nangagaling ang yaman ng Yao Family, Nathan at

Raul." Sagot ni Mr. Mendoza. Nagkatinginan silang dalawa bago tumingin

ulit kay Mr. Mendoza.

"So you

mean maaring illegal din ang negosyo nila?" Kunot noo na tanong ni Nathan.

"Tumpak!

Maaring sugal, droga, mga illegal na transaction pwede rin na kidnaping or

killing in short delikado ang misyon na ito na kakaharapin niyo. Dahil

kailangan niyong alamin ang pinagmumulan ng kanilang kayamanan. Walang negosyo

ang nakapangalan sa kanila. Maari din na gumagamit sila ng ibang pangalan para

sa negosyo. Bibigyan ko kayo ng panahon para mag-isip kung handa na kayo o

hin—“

"Payag

ako." Putol ni Nathan. Nakangising tinignan siya ni Raul dahil sa bilis

nitong magdesisyon. Buo na ang loob ni Nathan dahil alam niyang importante ang

misyon na ipinagkatiwala sa kanila. At kaya siya sumali sa organization ay para

mabawasan ang mga taong gumagawa ng masama at sumisira sa bansa at inosenteng

mga buhay.

"Pasensiya

na kayo masyadong confidential ang kanilang pagkatao kaya tanging larawan at

kaunting information lang ang maibibigay ko sa inyo, the rest kayo na ang

bahalang umalam ng lahat. At wag niyong kalimutan humingi ng tulong kung nasa

panganib kayo." Paalala ni Mr. Mendoza.

"Yes

sir!" Sabay na sagot nilang dalawa.

Samantala ay

naging abala sa paghahanda si Leandro at ang kanyang Ama. Dahil sa lamay

na pupuntahan nila.

"Dad

sigurado ba kayong walang maghihinala sa atin kung sakaling pumunta tayo sa

lamay ng Aragon na yun?" Tanong ni Leandro sa kanyang Ama.

"Lalo

silang magdududa kung hindi tayo pupunta Leandro. Kung hindi lang nagmatigas si

Aragon na ibigay ang pamamahala ng casino sa asawa ng kapatid mo. Hindi niya

dadanasin ito alam mo naman na ayaw ko ng nakikiusap diba at sumusuwag sa plano

ko diba?" Ma-autoridad na sagot ng kanyang Ama habang pinunasan ang baril

na dadalhin niya.

"Dad,

matagal ng si Aragon ang namumuno sa casino kaya ganun na lang katigas ang ulo

niya na ibigay kay Roman ang pamamahala dito." Paliwanag ni Leandro.

"That's my

point Leandro. Habang maiksi palang ang sungay dapat ay pinuputol na agad para

hindi na humaba pa." Seryosong wika ng kanyang Ama.

Napapailing na

lumabas si Leandro sa kwarto ng kanyang ama at sa sala na lang niya hinintay

ito. Pagbaba niya sa mahabang hagdan ay nakita niya si Tamara. Nakasuot ito ng

kulay itim na maiksing dress at malinis ang pagkakatali ng kanyang buhok. Kulay

pula pa rin ang lipstick nito. Habang nakaupo sa malawak at kulay puting sofa.

"Don't tell

me sasama ka sa amin ni Dad sa pagpunta sa lamay ng taong pinatay mo?"

Napabaling sa kanya ang atensyon ni Tamara.

"Wag kang

mag-alala Leandro. Wala namang nakakilala sa akin. Dahil patay na ang mga

tauhan na humabol sa akin. Kaya wala kang dapat na ipag-alala. Pinasama lang

ako ni Mr. Yao. Para masiguro na safe kayong makakauwi." Walang emosyon na

sagot ni Tamara.

"Hindi mo

na kailangang sumama pa Tamara. Dahil marami naman kaming bodyguard’s. Hindi mo

trabahong bantayan kami sa lahat ng oras." Inis na wika ni Leandro. Galit

pa rin siya dito dahil sa huli nilang pag-uusap ngunit hindi talaga niya

mapigilan ang sarili na kausapin parin ito kahit malamig parin ang pakikitungo

nito sa kanya.

"Hindi

natin alam ang takbo ng utak ng kapatid ni Aragon, Leandro. Maaring hindi nga

nila nahuli na si Tamara ang may gawa nito ngunit nasisiguro kong isa pa rin

tayo sa pinaghihinalaan nilang pumatay kay Aragon." Biglang sulpot ni Mr. Yao.

Sabay baling kay Tamara.

"Hayaan mo

na si Leandro Hija. Masyado lang siyang nag-aalala. Kahit alam naman niyang

kayang-kaya mo kaming protektahan."

Napabuntong

hininga na lamang si Leandro dahil palagi nalang nilalagay ng kanyang ama ang

buhay ni Tamara sa panganib at mas lalo siyang nagagalit dito dahil hindi man

lang ito nagrereklamo. Nanumpa si Tamara na protektahan ang kanilang pamilya

pero ang inaalok niyang kasal ay tinatangihan nito.

"Kung sino

man ang nilalaman ng puso mo Tamara. Sisiguraduhin ko sa'yo na hindi ka niya

makukuha sa kin." Bulong ng isip ni Leandro habang pinagmamasdan si Tamara

at ang kanyang ama na magkasabay na lumabas sa malaking pintuan.

Magkatabing

umupo sa likuran si Leandro at si Mr. Yao. Habang nasa unahan naman nakaupo si

Tamara katabi ang kanilang driver na si Mang Dindo. Dalawampung minuto ang

itatagal ng byahe nila bago makarating sa pinaglagakan ng labi ni Aragon.

"Tamara,

balita ko may nakilala ka daw na lalaki sa mall kahapon." Usisa ni Mr.

Yao.

Matalim ang

naging tingin ni Tamara kay Mang Dindo dahil sigurado siyang ito ang nagsabi

kay Mr. Yao. Bukod kasi sa pagiging driver nito ay lahat pa ng kilos niya

ay sinasabi kay Mr. Yao. Dahil yun din ang utos nito sa kanya bilang driver.

"Sino ang

lalaking yun Tamara?! Kaya ba ayaw mong magpakasal sa akin dahil may iba kang

kinakatagpo?!" Galit na wika ni Leandro.

"Easy Son,

bakit ayaw mong intayin ang paliwanag niya. At isa pa hindi dapat ganyan ang

reaction mo dahil wala naman kayong relasyon." Sabat ni Mr. Yao. Marahas

na napabuga ng hangin si Leandro sa saway ng kanyang Ama.

"Hindi ko

po siya kilala Mr. Yao. Napansin ko lang na sumusunod siya sa akin sa

department store kaya hinila ko siya papasok sa dressing room. Tinanong ko siya

kung bakit niya ako hinahanap ngunit wala siyang maisagot. Baka nabighani lang

sa ganda ko at wala naman akong dahilan upang patayin siya kaya hinalikan ko na

lang." Derechong wika ni Tamara. Bumalanghit ng tawa si Mr. Yao. Napalunok

naman si Mang Dindo dahil yun pala ang nangyari.

"What did

you say? Hinalikan mo ang lalaking hindi mo kilala? Are you Crazy?" Namula

na ang mukha ni Leandro sa galit. Habang nakatingin sa kanya. Hindi niya ito

tinapunan ng tingin.

"Ganyan ang

gutso ko sa'yo Tamara. Masyado kang tapat sa akin Hija." Ngumisi si Mr.

Yao at hindi pinansin ang galit ni Leandro. Narinig pa nilang nagmura

ito.

Ilang minuto pa

ang nakalipas ay nakarating na din sila sa lugar kung saan inilagak ang katawan

ni Aragon. Bumaba ang mga bodyguard’s nila na naka convoy sa kanila. Upang

masigurado na walang mga banta ng kalaban na magtatangka sa kanila. Pagkatapos

ay naunang bumaba si Tamara at sumunod naman si Mr. Yao at Leandro. Sa labas pa

lamang ay marami na ang nakiramay sa pamilya ni Aragon. Pumasok sila sa Sacred

valley kung saan nakalagak ang labi nito.

Kahit hindi

tumitingin sa paligid si Tamara ay ramdam niya ang mga matang nakatingin sa

kanila.

"Nakikiramay

ako sa nangyari kay Aragon, Celia tangapin mo sana ang tulong ko sa inyo."

Wika ni Mr. Yao sa asawa nito.

"Salamat

Mr. Yao." Malamig na tugon nito. Pagkatapos ay lumapit na si Mr. Yao sa

kabaong ni Aragon. Pinagmasdan niya ang malamig na bangkay nito. At nakita niya

ang mahabang hiwa sa leeg nito. Hindi niya akalain na ganun kadaling mapapatay

ni Tamara si Aragon.

"Sabi ng

driver namin may isinakay daw silang maganda at sexing babae mula sa bar. At sa

kotse palang daw ay inaakit na ng babae ang asawa ko. Kilala mo naman ang asawa

ko Mr. Yao. Mahilig talaga siya sa babae, pero kahit ganun sa akin pa rin siya

umuuwi. Alam kong libangan niya lang ang mga yun. Kaya hindi ko akalain na yun

din ang tatapos sa buhay niya." Naiiyak na paliwanag ni Celia. Pasimpleng

tinignan ng masama ni Leandro si Tamara na nakatingin lang sa walang buhay na

si Aragon.

"Wag kang

mag-alala Celia, mahahanap din natin ang gumawa nito kay Aragon." Wika ni

Mr. Yao.

"Talaga?"

Sabay-sabay silang lumingon ng may magsalita sa likuran nila.

"Sa tingin

niyo mahahanap pa namin ang pumatay sa kapatid ko? Hindi na sana ako aasa pa

Mr. Yao. Mabuti na lamang at buhay pa ang driver namin na pwedeng maka-identify

sa babaeng pumatay sa kapatid ko kung hindi tuluyan na kaming mawawalan ng

pag-asa." Wika ni Armando. Nakakatandang kapatid ni Aragon.

"Mabuti

kung ganun Armando. Balitaan niyo kami baka sakaling makatulong din kami sa

paghahanap." Seryosong wika ni Mr. Yao.

"Sure,

salamat sa pagbisita alam kong abala kayo sa negosyo."

Hindi man

direktang sinabi ni Armando ngunit pinapaalis na sila sa lamay. Matapos nilang

magpaalam ay umalis na din sila. At mabilis na sumakay sa kotse.

"Sa tingin

mo namukhaan ka ng driver nila Tamara?" Kunot noo na tanong ni Mr. Yao.

Ramdam nilang pinaghihinalaan sila ng naiwang pamilya ni Aragon. Dahil na rin

sa malamig na pagtangap sa kanila.

"Ako na ang

bahala sa kanila Dad." Si Leandro ang sumagot.

"No, ako na

ang bahala sa kanila Mr. Yao." Putol ni Tamara.

"Tamara!"

Saway ni Leandro.

"Ipapaubaya

ko na sa iyo ang lahat hija. Mag-iingat ka."

Hindi tumugon si

Tamara dahil may napansin siyang nakasunod na kotse sa likuran nila.

"Mang

Dindo, maging alerto kayo may nakasunod sa atin." Seryosong wika ni Tamara

habang nakatingin sa side mirror ng kotse. Napalingon naman ang mag-ama sa

likuran.

Mabilis na

kinuha ni Leandro ang phone upang tawagan ang mga bodyguard’s na naka convoy sa

kanila.

"Philip,

may sumusunod sa atin harangin niyo!" Utos ni Leandro. Pagkatapos ay

ibinaba na niya ang phone.

Nag-umpisa na

silang makarinig ng putukan sa likuran mula sa mga bodyguard’s nila at sa kotse

na sumusunod sa kanila.

Hangang sa

nagsulputan sa kanilang tagiliran ang mga limang motorsiklo.

"Dapa!"

Malakas na sigaw ni Tamara. Nang biglang palibutan ang kanilang kotse ng mga

nakamotor. Mabuti na lamang at hindi tumagos ang bala kahit mataas na kalibre

ng baril ang hawak nila dahil bullet proof ang sinasakyan nila. Pero kailangan

pa din nilang mag-ingat lalo na kung patuloy na babarilin ang kotse nila.

Mabilis na

hinugot ni Tamara ang m16 riffle sa ilalim ng kanyang upuan at binuksan ni

Tamara ang pinto ng kotse niya. Kaagad niyang pinaputukan ang mga naka-motor na

umaaligid sa kanila.

"Tamara

mag-ingat ka!" Sigaw ni Leandro.

Hindi niya

magawang tamaan ang iba lalo na ang nasa tabi ni Mr. Yao na patuloy na

binabaril ang bintana ng kotse. Kaya kahit umaandar ay nagawa niyang umapak sa

pintuan ng kotse at agad siyang tumalon papunta sa bubong ng kotse.

Nagkakape sa coffee shop sila Raul at Nathan

dahil pinag-uusapan nila kung paano magagawa ang misyon ng makita nila ang

isang babae na nasa ibabaw ng kotse at may tangan na baril ito at matapang na

bumabalanse sa itaas habang isa-isang nagtutumbahan ang mga naka-motor sa gilid

nito.

"May

shooting pala dito, sino kaya ang artista ang galing umarte nong babae

ah." Tanong ni Raul. Habang umiinom ng kape. Nabulwak ni Nathan ang kape

niya nang makita at makilala ang babae.