Medyo natagalan kami sa pagbalik sa mansyon ni Max dahil nagkaroon ng kaguluhan ng mga tao sa daraanan ng aming karwahe.
"Limang katawan ang natagpuan na palutang lutang sa ilog," rinig ko pang usap-usapan ng mga taong nakikigulo roon, "Hindi pa sigurado ang identidad nila kumpara sa may mas maitim silang mga balat at puting ang kanilang mga buhok."
Napakunot naman ako ng noo sa pinag-uusapan nilang iyon. Dahil biglaan pagkatagpo ng bangkay sa lugar na ito. Parang kanina lang ay dumaan kami rito at hindi man lang namin iyon mga napansin.
"P-Pero di ba ang daan na ito ay patungo sa mansyon ng duke?" natatakot naman komento ng isa sa mga nakikiusyoso, "Hindi kaya siya ang may pumatay sa mga iyan? Nagawa nga niyang patayin ang mga magulang at mga kamag-anak niya. Ano pa kaya kung ang iban
