Nang malaman ni Sir Hale ang taglay kong kakaibang katalinuhan ay agad na nagtungo siya sa opisina ni papa para ipamalita ang bagay na iyon. Laking pasasalamat ko na lamang na agarang pinigilan ni papa si Sir Hale sa balak na ipaalam sa hari ang tungkol rito.
Sa kadahilanang ayaw niya na makakuha ako ng malaking atensyon mula sa palasyo. Maaari kasi na pilitin ako ng palasyo na magtungo sa Aerth Academy para magpatuloy ng pag-aaral at tumulong sa isinasagawang mga research doon.
Ayon naman sa binigay na opinyon ni mama kay Sir Hale ay masyado pa ako bata para ikulong ang sarili ko sa mundo ng matatanda. Nais rin niya na hayaan ako na hanapin ang gusto kong gawin sa aking buhay.
Mabuti na lang ay naunawaan at nakumbinsi nila si Sir Hale sa kanilang mga binigay na dahilan. Iyon nga lang
