Nang makarating kami sa gilid ng irigasyon ay buong lakas na itinulak ko ang bata iyon pataas sa pader bago ako sumunod sa kanya na umakyat doon. Naabutan ko naman siya na sunud-sunod na umuubo dahil sa pagkainom ng maraming tubig mula sa muntikan na pagkalunod. Kaya hinagod ko ang likuran niya para tulungan siya na mapaayos ang paghinga.
"Ano ba ang gagawin ko?" namomoblemang sambit ko nang mapansin na sobrang namumula na ang mukha ng bata sa sobrang pag-ubo niya.
Subalit nagulat ako nang bigla na lang siya na tumumba. "Eh?!" natataranta kong bulalas at tinapik tapik ang kanyang pisngi, "Uy bata! Gumising ka! Please gumising ka!"
Ngunit hindi ito umimik kaya sinubukan kong i-pump ang kanyang dibdib para palabasin ang tubig na nainom niya. Kaso anuman ang gawin ko ay walang pagbabago sa
