Sa sobrang antok ay biglang napahikab ako. "Ada, tila laging puyat ka nitong mga nakaraang araw," pagpuna sa akin ni Agatha, "Ano ba kasi ang ginagawa mo sa gabi para mapuyat ka?"
Inaantok na kinusot ko ang aking mga mata saka muling nagpakawala ng isang mahabang hikab. Ang totoo ay limang araw ko na pinagluluto tuwing gabi si Duke Cailen. Hindi naman bago para sa akin ang magpuyat ng ganiyo dahil malimit ko na ginagawa ito noon nagsusulat ako ng aking mga nobela. Iyon nga lang ang pinagkaiba ay kailangan ko gumising ng maaga ngayon kumpara noon na maaari ako bumawi ng tulog sa umaga.
Ang hindi ko lang sigurado ngayon ay kung nagkakatulong ba ang ginagawa kong ito para sa aming plano. Pero sana naman ay maging worth it ang aking pagsasakripisyo ng tulog.
"Ada..." pagtawag muli sa akin n
