Ilang oras na sermon ang aking natanggap sa aking mga magulang dahil sa ginawa ko sa bayan na walang kasama. Hindi naman nila ako tinutulan na tumulong sa aking kapwa pero kailangan ko isipin ang buong sitwasyon bago kumilos.
Pagkatapos pa ay tatlong araw ako inapoy ng lagnat na lalong ikinagalit nina mama at papa. Halos ipatawag pa nga nila ang lahat ng doktor sa buong bayan para lang maipagamot ako.
"Young miss..." pagpigil sa akin ni Egeria nang makita niya ako na nakaupo na sa tapat ng mesa ko at nagsisimula na magsulat muli ng aking nobela, "Kakagaling niyo pa lamang sa sakit baka mamaya ay mabenat pa kayo at bumalik ang sakit niyo."
Iniling ko ang aking ulo at ipinagpatuloy ang aking ginagawa. "Maayos na talaga ako, Egeria," sambit ko naman sa kanya, "Saka dalawang araw na ang lum
