Kita sa mukha ni Duke Cailen na hindi niya inaasahan ang biglaang pagpayag ni Agatha na magpakasal sa kanya. Mariing napakagat ako ng labi sa takot na baka magsuspetya ang duke dahil sa biglang pagbabago ng pakikitungo ng dalaga sa kanya.
Biglang hinawakan ni Duke Cailen ang baba ni Agatha at inilapit ang kanyang mukha. Kaunting kaunti na lang ay magdidikit ang labi nilang dalawa. Pero hindi niya ginawa ang hakbang na ito para nakawan ng halik si Agatha.
Halatang inaalam niya kung may katotohanan ang sinasabi ng dalaga sa kanya. Tila alam naman ni Agatha na isa lang ito pagsubok sa kanya ng duke kaya hindi siya nagpatalo at nakipagtagisan ng tingin.
Ngumisi muli ang duke nang makita ang panibagong pakikitungo sa kanya ni Agatha. "Interesting..." biglang komento niya saka binitawan ang
