Labis na nakonsensiya ako para sa aking pagsisinungaling sa kanilang lahat. Ramdam na ramdam ko ang pagtitiwala nila sa akin. Ngunit taliwas sa kanilang akala ay nandito ako para tulungan si Agatha na makatakas at makatagpo sila ni Prinsipe Beau.
Mariing napapikit pa ako ng mata nang maalala ang madugong sinapit ng mga tauhan ni Duke Cailen sa dulo ng aking istorya. Lahat sila ay madadamay sa ibibigay na parusa ni Prinsipe Beau kay Duke Cailen.
Mawawala sa buong kasaysayan ang pamilyang Elrod.
Hindi ko lang akalain na ang mabubuting tao na katulad nila ay may malagim na mga katapusan. Kaya hindi lamang si Duke Cailen ang aking dapat iwasan na makapalagayan ng aking loob pati na rin ang mga makakasalamuha kong mga tauhan ng mansyon.
Ayoko na magsisi o panghihinayang sa dulo kapag huma
