“A-ALMIRA, sino ang bisita mo?”
Kung hindi lang siguro tensiyonado si Almira ay baka natawa na siya sa ekspresyon sa mukha ng mga magulang at mga kapatid niya. Lalo na nang nautal pa ang nanay niya nang magtanong.
“Ito po si Brad. Boyfriend ko,” pakilala niya.
“Boyfriend?!” sabay-sabay na bulalas ng lahat na para bang hindi makapaniwala sa sinabi niya.
Napangiwi siya. “Nakakagulat ba talaga na may boyfriend ako?” offended na tanong ni Almira sa pamilya niya. Paano pa kaya kung talagang nagsabi sila ng totoo at pinakilala niya ang lalaki na asawa niya himbis na kasintahan? Baka atakehin talaga sa puso ang nanay at tatay niya.
“P-pero paanong nangyari?” takang tanong naman ng tatay niya.
Bago pa siya makasagot ay
