“Lyke, what are you doing here? ‘Di ba sabi ko sa ‘yo, h’wag kang pupunta rito mag-isa?” malambing niyang tanong sa anak habang ito ay nakaupo sa buhangin at nilalaro ang hawak nitong manika.
Tumingala ito at saglit siyang tiningnan saka muling ibinalik ang atensyon sa laruan.
Umupo siya sa tabi nito saka marahang hinawakan ang baba nito upang iharap ang mukha nito sa kanya.
“What’s wrong, baby?” nag-aalalang tanong niya nang mapansin na tila malungkot ang mga mata nito.
Sinalubong nito ang mga mata niya na tila may gustong sabihin pero walang lumabas na salita sa nakabukang bibig nito.
Maya maya pa ay umiling ito pagkatapos ay mabilis na ipinulupot ang mga kamay sa leeg niya.
Napakagat siya ng labi at nagtatakang hinaplos ang buhok nito. “May masakit ba sa ‘yo, baby? Come, let’s s
