KABANATA 12: TEP’S MESSAGE
NANDITO SA MANSION ng Silvestre ang pamilya ni Stella dahil sa pagtatapos nina Shekaina at Agila sa Senior High School. Dahil hiniling iyon ni Agila sa Kuya niya, napagbigyan siya nito. Labis naman ang saya niya na makakasama ang babaeng gusto sa araw na mahalaga sa kanilang dalawa. Kahit hindi gusto ni Riza ang ideya na iyon ng bunsong anak, wala itong nagawa dahil sa kagustuhan din iyon ni Leon. Si Cobra naman ay wala ng pakialam. Ang mahalaga lang naman dito ay sumaya ang anak.
Hindi naman matawaran ang saya ni Agila nang pag-uwi niya ng mansion nila, bagong sports car ang sumalubong sa kaniya. Regalo iyon ng ama niya sa kaniya. Dahil nahihiya siya sa ama niya, hindi niya ito magawang yakapin. Nginitian lang niya ito na ang ibig sabihin ay masaya siya sa ibi
