KABANATA 13: ASKING FOR HELP
NANDITO SA RESTAURANT si Stella at kasama niya ang dating kasintahan ni Maria Angel na si Tep. Pagdating pa lang niya sa restaurant, nakikita na niya ang lungkot sa mga mata nito. Naaawa siya rito pero wala siyang magagawa dahil iyon ang kagustuhan ng kaibigan niya. Ang iwanan na ito.
Pagdating ni Stella, nginitian niya ang binata at umupo sa tapat nito. Nang nagtawag ito ng waiter, tiningnan niya ito.
“Ako na,” nakangiting sabi ni Stella.
“Ako na lang, Stella. Nakapag-ipon naman ako para rito,” giit ni Tep.
“Ibigay mo lang iyan sa pamilya mo, Tep. Ganito, gusto mo bang magtrabaho sa kumpanya ng asawa ko? Tutulungan kitang makapasok doon.”
“Napakabuti talaga ng puso mo, Stella. Salamat. Pero nakakahiya naman kung tatanggapin ko ang alok mo. Nandito kas
