KABANATA 11: TEASING STELLA
“AGILA, MAY NAKALIMUTAN pala akong itanong kanina,” si Leon.
Napabangon naman si Agila sa paghiga at tiningnan ang kapatid niya na nakaupo lang sa isang office chair sa harap ng study table sa kuwarto. Lumapit naman si Leon sa kaniya habang nakasakay sa upuan. Pagdating nito, hinawakan niya ang upuan.
“Bakit, ungas?”
“Si Shekaina ba iyong gusto mo?”
Agad bumalik sa paghiga si Agila at tila nawala na naman sa timpla. Nakasimangot ito at tumalikod sa kapatid niya.
“Hindi, ah.”
“Mabuti kung ganoon. Huwag siya at hindi ka niya gusto.”
Muling bumangon si Agila. “Paano mo nasabi iyan sa akin, ha? Parang sinabihan mo lang ako na ’wag kang mag-aral ng accounting, hindi para sa iyo ang pagiging accountant.”
“So si Shekaina nga?”
“Oo na. I like her. I love her.
